नाशिक : ओळखीचा गैरफायदा घेत महिलेला घरी नेऊन बलात्कार केल्याप्रकरणी संशयितांविरुद्ध गुन्हा दाखल झाला आहे. सुजित कातकाडे, असे संशयिताचे नाव असून, आडगाव पोलिसांनी शुक्रवारी (ता.१६) रात्री अटक केली. (Suspect arrested for raping woman Nashik Crime Update Latest Marathi News)

महिलेच्या फिर्यादीनुसार, संशयित सुजितशी ओळख होती. याच ओळखीच्या गैरफायदा घेत संशयिताने २१ जूनला स्वतःच्या घरी बोलावले. घरी आल्यानंतर संशयिताने बळजबरीने शारीरिक संबंध केले. तसेच, यासंदर्भात कोणाकडे वाच्यता केल्यास बदनामी करण्याची धमकीही दिली. दरम्यान, ७ सप्टेंबरला दुपारी महिला मेडिकल कॉलेजकडून घरी जात होती.

त्या वेळी संशयित सुजित याने हात धरला आणि बळजबरीने लज्जा उत्पन्न होईल असे कृत्य करीत विनयभंग केला. याप्रकरणी महिलेने आडगाव पोलिसात धाव घेत फिर्याद दिली. त्यानुसार, बलात्कार, विनयभंगासह विविध कलमान्वये गुन्हा दाखल केला आहे. गुन्ह्याचा तपास सहाय्यक निरीक्षक संतोष शिंदे हे करीत आहेत.