सिडको (नाशिक) : एकीकडे नववर्षाचे स्वागत करत असतानाच वर्षाचा पहिल्याच दिवशी पाटील कुटुंबियात मात्र ह्रदय पिळवटून टाकणारा आक्रोश पाहायला मिळाला. १ जानेवारीलाच दुपारी ही घटना घडल्याने परिसरात हळहळ व्यक्त करण्यात येत आहे. ​

नववर्षाच्या पहिल्याच दिवशी ही घटना घडल्याने परिसरात हळहळ

दौलतनगरमधील गौरव समाधान पाटील (वय २७) राधावृंदावन अपार्टमेंटमधील फ्लॅटमध्ये शुक्रवारी (ता. १) दुपारी चारच्या सुमारास बाथरूममध्ये होता. बाथरूममधील गॅस गिझर अचानकपणे फुटले. त्यामुळे गौरवला श्वास घेण्यास त्रास होऊ लागला. हा प्रकार त्याच्या भावाच्या लक्षात आल्यानंतर त्यांनी त्याला तत्काळ रुग्णालयात दाखल केले. मात्र, डॉक्टरांनी गौरवला मृत घोषित केले. या प्रकरणी अंबड पोलिसांत आकस्मिक मृत्यूची नोंद झाली. पोलिस उपनिरीक्षक एच. व्ही. शेळके तपास करीत आहेत.

हेही वाचा - ह्रदयद्रावक! केवळ लेकरासाठीच मातेचे कष्ट अन् धडपड; नियतीचा घाला आला आणि सहा वर्षाचं लेकरू झालं पोरकं

आकस्मिक मृत्यूची नोंद

​दौलतनगरमधील एका घरात बाथरूममधील गॅस गिझर फुटल्याने बाथरूममध्ये असलेल्या तरुणाचा गुदमरून मृत्यू झाला. या प्रकरणी अंबड पोलिस ठाण्यात आकस्मिक मृत्यूची नोंद झाली आहे. नववर्षाच्या पहिल्याच दिवशी ही घटना घडल्याने परिसरात हळहळ व्यक्त करण्यात येत आहे. 
हेही वाचा - सरपंचपद भोगल्यानंतर भयाण वास्तवाचा सामना! माजी सरपंचांवर आज मजुरीची वेळ