लोकसभा 2019
यवतमाळ : लोकसभा उमेदवार म्हटलं की भला मोठा वाहनांचा ताफा. आलिशान वाहनांमध्ये कार्यकर्त्यांची वर्दळ. मात्र एक महिला उमेदवार त्याला अपवाद ठरत आहे. ती महिला उमेदवार दुसरी कुणी नसून अखिल भारतीय मराठी साहित्य संमेलनाच्या अध्यक्ष नयनतारा सहगल यांच्या निमंत्रण वापसीनंतर चर्चेत आलेल्या शेतकरी विधवा वैशाली येडे अखिल भारतीय साहित्य संमेलनाच अध्यक्षपद येडे यांनी भूषवले. त्यानंतर आता प्रहार जनशक्ती पक्षाने येडे यांना यवतमाळ-वाशीम लोकसभा मतदार संघात उमेदवारी दिली आहे.

सध्या मतदारसंघात भेटीगाठी घेण्याचा प्रत्येकच उमेदवारांचा कल आहे. नेमक्या त्याचसाठी आज वैशाली येडे या यवतमाळ येथे आल्या होत्या. परिवहन महामंडळाच्या बसमधून त्यांना उतरतांना पाहून अनेकांच्या नजरा आश्चर्याने त्यांच्याकडे खिळल्या.