Protest In China : चीनमध्येही 'आजादी'च्या घोषणा; वाचा काय आहे कारण?

चीनचे अध्यक्ष शी जिनपिंग यांच्या शून्य कोविड धोरणाविरोधातील निषेधाची ठिणगी आता तियानमेन स्क्वेअरपर्यंत पोहोचली आहे. या आंदोलनाच्या निमित्ताने पुन्हा एकदा स्वातंत्र्याचा नारा दिला जात आहे. चिनी कम्युनिस्ट पक्षाचा अंत, शी जिनपिंगचा अंत अशा घोषणा चीनच्या शहरांमध्ये दिल्या जात आहेत.

सर्व सुरक्षा व्यवस्था झुगारून, सुमारे 100 आंदोलकांचा एक गट रविवारी रात्री बीजिंग शहरातील तियानमेन स्क्वेअरकडे कूच करत होता आणि 'आम्हाला स्वातंत्र्य हवे आहे', 'आम्हाला स्वातंत्र्य हवे आहे' अशा घोषणा देत होता. आम्हाला स्वातंत्र्य, समता, लोकशाही आणि कायद्याचे राज्य हवे आहे, असे हे आंदोलक स्पष्टपणे सांगत होते.

हेही वाचा : काय घडलं होतं उदयनराजेंच्या जलमंदिर पॅलेसमध्ये १९५२ साली?

आम्हाला हुकूमशाही नको, व्यक्तीपूजा करायची नाही, असे या आंदोलकांचे म्हणणे आहे. 1 डिग्री तापमानात, थंडीने थरथर कापणारे लोक, हातात घोषणांचे कागद धरून हे आंदोलक सतत घोषणाबाजी करत आहेत.

अवघ्या महिन्याभरापूर्वी शी जिनपिंग तिसऱ्यांदा चीनचे राष्ट्राध्यक्ष बनले असताना चीनमध्ये ही निदर्शने होत आहेत. जग फुटबॉल विश्वचषक पाहण्यात व्यग्र असताना, चीनमधील जनता झिरो कोविड पॉलिसीच्या नावाखाली भयंकर निर्बंधांमधून जात आहे, या चिनी शहरात लॉकडाऊन दरम्यान इमारतीला लागलेल्या आगीमुळे 10 जणांचा मृत्यू झाला आहे. 40 लाख लोक गेल्या 100 दिवसांपासून लॉकडाऊनमध्ये आहेत.

प्रदर्शनाचे दुसरे केंद्र असलेल्या शांघायमध्ये अडीच महिन्यांपासून लॉकडाऊन आहे. या वर्षी आतापर्यंत 25 दशलक्ष लोक अडीच महिने लॉकडाऊनमध्ये राहिले आहेत. निषेधाचा आवाज ऐकून, चीन सरकारने लॉकडाऊन लागू केले, सोशल मीडियावर बंदी घातली, इंटरनेटवर बंदी घातली. कोरोनाविरुद्ध चीनचा लसीकरण कार्यक्रम फोल ठरताना दिसत आहे.