E-Shram Card : शेतकऱ्यांना मिळू शकतो का ई-श्रम कार्ड योजनेचा लाभ? वाचा काय आहे नियम

देशातील असंघटित क्षेत्रातील कामगार आणि मजुरांना एकत्र आणण्यासाठी ई-श्रम कार्ड योजना सुरू करण्यात आली आहे. या योजनेअंतर्गत केंद्र सरकार मजूर आणि कामगारांना आर्थिक मदत करते. कामगार आणि रोजगार मंत्रालयाने विकसित केलेल्या ई-श्रम पोर्टलवर आतापर्यंत 28.42 कोटी लोकांची नोंदणी झाली आहे.

ई-श्रम योजनेचे फायदे :

सर्व मजूर आणि शेतकरी यांना सरकारी योजनांचा लाभ एकाच व्यासपीठावर मिळावा या उद्देशाने ई-श्रम पोर्टल सुरू करण्यात आले. या योजनेअंतर्गत सरकार 2 लाख रुपयांचा अपघात विमा देते. यासोबतच काही मजुरांना हप्त्याच्या स्वरूपात आर्थिक मदतही दिली जाते. मात्र, या पोर्टलवर भविष्यात सरकारकडून कोणतीही योजना सुरू झाल्यास त्याअंतर्गत सर्वांना लाभ दिला जाईल.

हेही वाचा : Digital Rupee India : देशाचे नवे पर्यायी चलन ‘डिजिटल रुपी’

ई-श्रम योजनेचा लाभ कोणाला मिळेल?

फेरीवाले, भाजी विक्रेते, घरकामगार, अल्पकाळ काम करणारे युवक, इतर मजूर, शेतकरी आणि विद्यार्थी यांच्यासोबतच या पोर्टलवर नोंदणी करता येईल. जर कोणी कर भरला तर तो ई-लेबर कार्डसाठी अर्ज करू शकत नाही.

शेतकरी नोंदणी करू शकतात का?

शेतकर्‍यांबाबत, ई-श्रम पोर्टलवर हे स्पष्ट करण्यात आले आहे की, केवळ शेतमजूर आणि भूमिहीन शेतकरीच ई-श्रम पोर्टलवर नोंदणी करण्यास पात्र आहेत. स्वत:ची जमीन असलेल्या शेतकर्‍यांचा या योजनेत समावेश नाही. ई-श्रम कार्ड फक्त असंघटित क्षेत्रातील कामगारांसाठी आहे. जे घरगुती कामगार, स्वयंरोजगार कामगार किंवा असंघटित क्षेत्रातील पगारदार कामगार आहेत त्यांना असंघटित कामगार म्हणतात. असंघटित क्षेत्रातील कामगारांमध्ये बांधकाम कामगार, स्थलांतरित कामगार, रस्त्यावरील विक्रेते आणि घरकामगार यांचा समावेश होतो.

ई-श्रम कार्डसाठी नोंदणी कशी करावी ?

आतापर्यंत सुमारे 28.50 कोटी लोकांनी ई-श्रम पोर्टलवर नोंदणी केली आहे. यामध्ये सर्वाधिक 8.2 कोटी नोंदणी यूपीमधून झाली आहे. तुम्ही पोर्टलवर स्वत:ची नोंदणी करू शकता. सर्व प्रथम ई-श्रम पोर्टलवर जा आणि नंतर ई-श्रम वर नोंदणी पर्यायावर क्लिक करा.

आता तुम्हाला मोबाईल नंबर टाकावा लागेल आणि OTP आल्यावर तो भरावा लागेल. यानंतर ई-लेबर फॉर्म भरा आणि सबमिट करा. एकदा फॉर्म सबमिट केल्यानंतर, तुमची नोंदणी पूर्ण होईल आणि तुम्ही काही दिवसांत तो डाउनलोड करू शकता.