Share Market: शेअर बाजारात घसरणीला ब्रेक; सेन्सेक्स, निफ्टी वधारला

शेअर बाजारात आठवड्याच्या सुरवतीपासून सलग दोन दिवस शेअर बाजारात घसरण दिसून आली होती. आज सकाळच्या सत्रात शेअर बाजार सुरू झाला तेव्हा सेन्सेक्स 210 अंकाची तर निफ्टीमध्ये 78 अंकांची वाढ दिसून आली. सुरवातीला सेन्सेक्स 210 अंकांच्या तेजीसह 57,418 अंकांवर व्यवहार करत होता. तर, निफ्टी 78 अंकांच्या तेजीसह 17,059 अंकावर व्यवहार करत होता.

आज कशी असेल बाजाराची स्थिती ?

बाजार दबावाखाली होता आणि सुमारे 1.5 टक्क्यांच्या घसरणीसह बंद झाल्याचे रेलिगेअर ब्रोकिंगचे अजित मिश्रा म्हणाले. निफ्टीने सपाट सुरुवात केली पण जसजसा व्यवहाराचा दिवस पुढे सरकत गेला तसतशई त्याची कमजोरीही वाढली आणि निफ्टी 17100च्या सपोर्टच्या खाली घसरला. शेवटी तो 16983.55 च्या पातळीवर बंद झाला.

आयटी पॅकमधील कमजोरीसह, इतर सेक्टर्समध्येही कमजोरी होती, ज्यामुळे बाजारातील सेंटीमेंट कमकुवत झाले. दिग्गज शेअर्ससह लघु-मध्यम शेअर्समध्येही घसरण दिसून आली. मिड आणि स्मॉलकॅप इंडेक्स जवळपास 2 टक्क्यांनी घसरले.

इंडेक्सवर नजर टाकली तर आता 16800 ची पातळी निफ्टीसाठी खूप महत्त्वाची आहे. आणि जर निफ्टी या पातळीच्या खाली घसरला तर कमजोरी आणखी वाढेल.

आजचे टॉप 10 शेअर्स कोणते ?

डिव्हीस लॅब (DIVISLAB)
जेएसडब्ल्यू स्टील (JSWSTEEL)
इंडसइंड बँक (INDUSINDBANK)
आयशर मोटर्स (EICHERMOTORS)
नेसले इंडिया (NESTLEIND)
ऑरो फार्मा (AUROPHARMA)
झिंदाल स्टील (ZINADLSTEEL)
गोदरेज प्रॉपर्टीज (GODREJPROP)
अशोक लेलँड (ASHOKLEY)
झी एन्टरटेन्मेंट लिमिटेड (ZEEL)