सतरा वर्षात 'या' बँकेचा शेअर तब्बल एक लाख टक्क्यांनी वधारला

वृत्तसंस्था
शनिवार, 30 नोव्हेंबर 2019

मुंबई: कर्ज देताना कागदपत्रांची पूर्तता होत नसेल तर अनेक बँका जोखीम नको म्हणून ग्राहकांना कर्ज देण्यास मनाई करतात. मात्र, कर्ज म्हटल्यावर जोखीम पत्करावीच लागते. तसेच कर्ज घेतल्यावर परतफेड करायची नाही अशी मानसिकता असणारे सर्वसामान्य ग्राहक खूप कमी असतात. नेमकी हीच बाब लक्षात घेऊन ज्या ग्राहकांना इतर प्रमुख बँकांनी कर्ज देण्यास नकार दिला आहे अशा ग्राहकांना कर्ज वाटप करण्याचे धोरण दक्षिण आफ्रिकेच्या कॅपिटेक बँकेने अवलंबले. परिणामी आज बँकेचा व्यवसाय लाखो टक्क्यांच्या पटीत वाढला आहे.

मुंबई: कर्ज देताना कागदपत्रांची पूर्तता होत नसेल तर अनेक बँका जोखीम नको म्हणून ग्राहकांना कर्ज देण्यास मनाई करतात. मात्र, कर्ज म्हटल्यावर जोखीम पत्करावीच लागते. तसेच कर्ज घेतल्यावर परतफेड करायची नाही अशी मानसिकता असणारे सर्वसामान्य ग्राहक खूप कमी असतात. नेमकी हीच बाब लक्षात घेऊन ज्या ग्राहकांना इतर प्रमुख बँकांनी कर्ज देण्यास नकार दिला आहे अशा ग्राहकांना कर्ज वाटप करण्याचे धोरण दक्षिण आफ्रिकेच्या कॅपिटेक बँकेने अवलंबले. परिणामी आज बँकेचा व्यवसाय लाखो टक्क्यांच्या पटीत वाढला आहे.

2001 साली या बॅंकेची स्थापना झाली होती. त्यानंतर 2002 साली कंपनीचा शेअर दक्षिण आफ्रिकी शेअर बाजारात 1 रँड (रँड हे आफ्रिकी चलन आहे) वर व्यवहार करत होता. गेल्या सतरा वर्षांचा विचार करता आज कंपनीचा शेअर 1440 रँडवर व्यवहार करत आहे. म्हणजेच सतरा वर्षात गुंतवणूकदारांची गुंतवणूक तब्बल 1.4 लाख टक्कयांनी वाढली आहे. तुलनेत जोहान्सबर्गचा बेंचमार्क निर्देशांक फक्त 424 टक्यांनी वाढला आहे. तर, देशातील इतर चार प्रमुख बँकांनी 146 ते 581 टक्क्यांच्या पटीत वाढ दिली आहे.

छोट्या ग्राहकांचे महत्व अचूक ओळखलेल्या कॅपिटेक बँकेकडे सप्टेंबर अखेर 1 कोटी 26 लाख ग्राहक होते. तर प्रत्येक महिन्याला तब्बल 2 लाख नवीन ग्राहक जोडले जात आहेत. (1 रँड = 4.90 रुपये.)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: South African bank stock to increase 144000 per cent in less than two decades