या शेअरने 1 लाखाचे केले 93 लाख, आता 400% डिव्हिडेंड देण्याची घोषणा...

मुंबई : एफएमसीजी कंपनी इमामी लिमिटेडने (Emami Limited) जुलै-सप्टेंबर 2022 तिमाही निकालांसह त्यांच्या शेयरहोल्डर्ससाठी 400 टक्के डिव्हिडेंड जाहीर केला आहे. हा स्टॉक गुंतवणूकदारांसाठी मल्टीबॅगर ठरला आहे.

20,511 कोटी रुपयांचे मार्केट कॅप असलेली इमामी लिमिटेड ही एफएमसीजी उद्योगातील लार्जकॅप कंपनी आहे. इमामी लिमिटेडचे ब्रांड्स घराघरात पोहोचले आहेत. त्यांच्या उत्पादनांत बोरोप्लस, नवरत्न, फेअर अँड हँडसम, झंडू बाम, मेन्थो प्लस बाम, फास्ट रिलीफ आणि केश किंग यासह अनेक मोठे ब्रँड येतात.

1 लाखाचे 93 लाख

इमामी लिमिटेडचे शेअर्स 15 नोव्हेंबर 2002 रोजी बीएसईवर लिस्ट झाले होते, त्यावेळी त्याची किंमत 5 रुपये होती, जी आता 11 नोव्हेंबर 2022 रोजी 464.35 रुपयांपर्यंत पोहोचली आहे. म्हणजेच, एखाद्या गुंतवणूकदाराने 20 वर्षांपूर्वी इमामीच्या स्टॉकमध्ये 1 लाख रुपये गुंतवले असतील तर त्याची रक्कम 92.87 लाख रुपये झाली असती.

मात्र, गेल्या वर्षभरात या शेअरमध्ये मोठ्या प्रमाणात चढ उतार आलेत. इमामीच्या स्टॉकमध्ये एका वर्षात 13 टक्के, 2022 मध्ये 11 टक्क्यांनी घट झाली आहे. मात्र, सहा महिन्यांत या शेअरमध्ये सहा टक्क्यांची वाढ झाली आहे.

डिव्हिडेंडची घोषणा

बोर्ड ऑफ डायरेक्टर्सने 11 नोव्हेंबर 2022 रोजी झालेल्या बैठकीत 400 टक्के डिव्हिडेंडची घोषणा केली आहे, म्हणजे 1 रुपया फेस व्हॅल्यूचे प्रति इक्विटी शेअरसाठी 4 रुपये प्रती शेअर डिव्हिडेंड देण्याची घोषणा केली आहे. यासाठी 21 नोव्हेंबर 2022 ही रेकॉर्ड तारीख निश्चित केली आहे.

तिमाही निकाल

कंपनीने सप्टेंबर 2022 ला संपलेल्या तिमाहीत 807.36 कोटी रुपयांच्या नेट सेल्स वार्षिक 3.9 टक्के वाढ नोंदवली आहे, जी मागील वर्षीच्या याच कालावधीत 777.1 कोटी होती. पण, कंपनीचा एबिटजा 29.5 टक्क्यांनी घसरून 195.38 कोटी रुपये झाला. इमामी लिमिटेडचा नेट प्रॉफिट 184.18 कोटी रुपयांवर राहिला.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.