Veteran publisher Anil Mehta is remembered for his contribution to Marathi literature and publishing.
esakal
विजय नाईक,
नवी दिल्ली: १९९३ मध्ये ‘ दै.सकाळ’ तर्फे दक्षिण आफ्रिकेतील वसाहतवादाची सांगता होत असताना तेथील परिस्थितीचे अध्यय़न व वार्तांकन करण्यासाठी मी तेथे गेलो होतो. त्यानंतर दक्षिण आफ्रिकेचे पितामह नेल्सन मंडेला यांच्या नेतृत्वाखाली कृष्णवर्णियांचे पहिले सरकार तेथे आले. हा सारा इतिहासपट मी माझ्या लेखातून व नंतर ‘मंडेलांच्या देशातून’ या पुस्तकातून मांडला. हे पुस्तक प्रसिद्ध केले, ते मेहता प्रकाशनचे त्यावेळचे सर्वेसर्वा अनिल मेहता यांनी. ‘वंशभेदाविरूद्ध संघर्ष करून बलिदान देणाऱ्या लाखो कृष्णवर्णियांच्या स्मृती व दक्षिण आफ्रिकेच्या परिवर्तनाचे प्रणेते डॉ नेल्सन मंडेला’ यांना ते अर्पण केले आहे. त्याची प्रथमावृत्ती मेहता प्रकाशनने १९९६ मध्ये प्रसिद्ध केली, तेव्हापासून मी व अनिल मेहता व नंतर त्यांचे चिरंजीव सुनील मेहता यांच्या कायमच्या संपर्कात राहिलो व अनिलभाईंशी मैत्री घनिष्ट होत गेली.
