एका पुस्तकाची दुसरी गोष्ट

आपल्याला हवे ते पुस्तक मिळाल्यानंतर होणारा आनंद आपण इतरांना सांगूच शकत नाही. सिनेदिग्दर्शक, सिनेविद् आणि लेखक अरुण खोपकर पुस्तकाबाबत अनुनादमध्ये लिहितात, 'कोरा कॅनव्हास हे पुस्तक हा मराठीतला महत्त्वाचा दस्तऐवज आहे. प्रभाकरसारख्या आंतरराष्ट्रीय कीर्तीच्या कलाकाराने आपले कलाविचार सुसूत्रपणे ग्रंथ या स्वरुपात मांडलेले मराठीतले माॅडर्निस्ट चित्रकलेविषयीचे हे पहिले आणि आजपावेतो एकमेव पुस्तक आहे. या पुस्तकाची सुरुवात कोऱ्या कागदापासून होते. त्याला पूर्वज नाही व वंशज नाही. ह्या एकमेवाद्वितीय असण्याने ते आघाडीचे शिलेदार निश्चितच ठरते व अनेक प्रश्नही उभे करते.'तर शेवटी मला हवे असलेले पुस्तक तर मिळालेच. आता तर कधी वाचून पुस्तक पूर्ण करतोय असे झालयं. आपल्या आवडत्या लेखकाने एखाद्या पुस्तकाचे महत्त्व सांगितले असेल तर ते कधी वाचू असे होते. अनलाॅकमुळे माझ्यासारख्या पुस्तकप्रेमींना तासन् तास पुस्तकाच्या दुकानात पुस्तके हाताळता येतील. तसेच ग्रंथ खरेदीही करता येईल.