Language And AI : भाषा म्हणजे केवळ शब्दांची मालिका नाही. ती आपलं मन, आपले संस्कार, आपलं अस्तित्व आहे. आईचं “बाळा” म्हणणं, शिक्षकाचं “पुन्हा सांगतो बघ”, किंवा मित्राचं “अरे जाऊ दे ना” — यामागचं अर्थविश्व केवळ शब्दांपुरतं मर्यादित नाही. भाषेत भावना असतात, गंध असतो, नात्यांची गुंफण असते. पण आज, या भाषेचं स्वरूप झपाट्याने बदलतं आहे. कारण आपल्या दैनंदिन आयुष्यात एक नवं पात्र सामील झालं आहे – कृत्रिम बुद्धिमत्ता, म्हणजेच AI.