तुकाईदर्शनच्या सांडपाण्याची जबाबदारी कोणाची?

हडपसर : सासवड-हडपसर महामार्गावर भेकराईनगर येथील सिग्नलच्या चौकात तुकाई दर्शन भागातुन नेहमी सांडपाणी वाहून येत असते. सिमेंट रस्ता आणि त्याच्या साईडपट्टयांमध्ये हे पाणी साठून राहते. परिणामी वाहतुकीस अडथळा निर्माण होतो. पाणी साठल्यामुळे खड्डे लक्षात येत नाहीत. सांडपाण्यातुन एखादे वाहन वेगात गेल्यास शेजारुन जाणाऱ्या वाहनचालकांच्या अंगावर पाणी उडते. यातुन वादविवाद भांडणे होत असतात. याविषयी स्थानिक नागरिकांनी तक्रारी करुनही ग्रामपंचायत असताना दखल घेतली गेली नाही. आता महानगरपालिका प्रशासन डोळेझाक करीत आहे. अधिकाऱ्यांनी स्वत:हुन दखल घेऊन कारवाई करावी अशी अपेक्षा आहे.