राज्यात १५ नवीन करोना रुग्ण; पाहा कोठे किती रुग्ण?

पुणे : राज्यात कोरोनाचा विषाणूंचा संसर्ग झालेल्या आणखी १५ रुग्णांची नोंद बुधवारी आरोग्य खात्यात झाली.  त्यामुळे राज्यातील बाधित रुग्णांची संख्या 123 झाली आहे. 

बातम्या ऐकण्यासाठी डाऊनलोड करा ई-सकाळचे ऍप

राज्यात आढललेल्या नवीन रुग्णांमध्ये मुंबई येथील सात रुग्ण असून, सांगली, इस्लामपूर येथील प्रत्येकी पाच, कल्याण डोंबिवली, नवी मुंबई व पनवेलमधील प्रत्येकी एक रुग्ण आहे. या नवीन बाधित रुग्णांपैकी  सांगलीचे ५ रुग्ण हे  मंगळवारी बाधित आढळलेल्या ४ रुग्णाच्या संपर्कातील आहेत. नवी मुंबईतील ५७ वर्षीय पुरुष हा यापूर्वी करोना बाधित आढळलेल्या आणि मृत्यूमुखी पडलेल्या फिलीपाईन नागरिकाच्या संपर्कातील व्यक्ती आहे. कामोठे – पनवेल इथे आढळलेला ३८ वर्षांचा पुरुष हा त्रिनिदाद येथे गेला होता तर मुंबईतील अनुक्रमे २७ व ३९ वर्षाचे दोन पुरुष रुग्ण हे अमेरिका आणि संयुक्त अमिर अमिरात या देशांमध्ये प्रवास करुन आले आहेत. इतर ५ रुग्ण हे बाधित रुग्णांच्या संपर्कात आलेल्या व्यक्ती आहेत. कल्याण डोंबवली परिसरातील २६ वर्षाच्या तरुणाने तुर्कस्थानचा प्रवास केलेला आहे. 

कोरोनाशी संबंधित बातम्या वाचण्यासाठी येथे ► क्लिक करा

शहरनिहाय लागण झालेले रुग्ण
पिंपरी चिंचवड - १२    
पुणे मनपा - १८    
मुंबई – ४८ (३ मृत्यू)
सांगली - ९    
नवी मुंबई, कल्याण डोंबिवली - ६    
नागपूर, यवतमाळ - प्रत्येकी  ४    
अहमदनगर, ठाणे - प्रत्येकी ३    
सातारा, पनवेल – प्रत्येकी २    
उल्हासनगर, औरंगाबाद, रत्नागिरी, वसई विरार, पुणे ग्रामीण - प्रत्येकी १