CoronaVirus : पिंपरीत कोरोना संसर्गाचा आणखी एक रुग्ण

पिंपरी : दुबई व जपानमधून सहा ते नऊ मार्च यादरम्यान शहरात आलेल्या नऊपैकी एका 31 वर्षीय व्यक्तीच्या घशातील नमुन्याचा अहवाल रविवारी (ता. 15) पॉझिटिव्ह आला. त्या व्यक्तीने 23 फेब्रुवारी ते तीन मार्च यादरम्यान जपान आणि दुबई येथे प्रवास केला. त्यामुळे कोरोना व्हायरसचा संसर्ग झालेल्या रुग्णांची संख्या नऊ झाली आहे. त्यांना वायसीएम व भोसरी रुग्णालयाच्या आयसोलेशन कक्षात ठेवले असून, अन्य आठ जणांचे अहवाल निगेटिव्ह आल्याने त्यांना घरी सोडले असल्याचे अतिरिक्त आयुक्त संतोष पाटील यांनी सांगितले.

सिंहगडावर पर्यटकांची संख्या रोडावली
 

शहरात कोरोनाचा संसर्ग झालेल्या रुग्णांची संख्या 9 वर
वायसीएम व भोसरीतील रुग्णालयात रविवारपर्यंत 65 रुग्णांच्या घशातील नमुने पुण्यातील एनआयव्ही प्रयोगशाळेत तपासण्यात आले. त्यापैकी नऊ जणांचा अहवाल पॉझिटिव्ह आला असून, त्यांची प्रकृती स्थिर आहे. 45 जणांचा अहवाल निगेटिव्ह आल्याने त्यांना घरी सोडले आहे. अन्य अकरा जणांचा अहवाल प्रलंबित आहे.

आता बातम्या ऐकण्यासाठी डाऊनलोड करा ई-सकाळचे ऍप 
नऊ जणांच्या संपर्कात आलेले नातेवाईक व अन्य व्यक्तींची माहिती घेण्याचे काम सुरू असून, त्यांना घरातच थांबण्याच्या सूचना दिल्या आहेत. रुग्णांचे सर्वेक्षण करण्यासाठी 37 जलद प्रतिसाद गट कार्यान्वित केलेले आहेत, असेही पाटील यांनी सांगितले.