Coronavirus : पुण्यात डॉक्‍टरांची पथके घरोघरी पोचणार

पुणे - पेठांसह काही भाग ‘सील’ केल्यानंतर नागरिकांच्या सुरक्षिततेसाठी महापालिकेने नव्याने पावले उचलली आहेत. या भागांतील रहिवाशांची तपासणी करून संशयितांच्या घशातील द्रव पदार्थाचे नमुने तपासणीसाठी पाठविण्यास सुरुवात झाली आहे. कोरोनाची लक्षणे आढळून येणाऱ्या व्यक्तींना महापालिकेच्या हॉस्पिटलमध्ये दाखल करून घेण्याचे नियोजन केले आहे. त्यासाठी ३० डॉक्‍टरांची पथके घरोघरी जात आहेत.

बातम्या ऐकण्यासाठी डाऊनलोड करा ई-सकाळचे ऍप

खबरदारी म्हणून काही उपाय करण्यात येत आहेत. त्याअंतर्गंत जो भाग ‘सील’ करण्यात आला; तेथील प्रत्येक घरांतील नागरिकांची आरोग्य तपसाणी केली जाणार असून, विशेषत: ताप, थंडी, सर्दी, खोकला आढळून येणाऱ्या नागरिकांच्या घशातील द्रव पदार्थांचे नुमने प्रयोगशाळांत पाठविले जातील. दरम्यान, हे आजार बळावण्याची शक्‍यता असलेल्या व्यक्तींवर आवश्‍यक उपचारही सुरू करण्यात येतील. त्यासाठी नागरिकांना तपासणीसाठी स्वत: पुढे यावे, असे आवाहन महापालिका आयुक्त शेखर गायकवाड यांनी केले आहे.