Coronavirus : ...आता सोसायट्यांमधील नागरिकांचाच स्वच्छतेसाठी पुढाकार

पिंपरी - कोरोनाच्या धास्तीमुळे सोसायट्यांमध्ये काम करणारे अनेक सफाई कामगार त्यांच्या गावी गेले आहेत. त्यामुळे  मनुष्यबळाअभावी सोसायट्यांमधील नागरिकांनीच स्वच्छतेसाठी पुढाकार घेतला आहे.

बातम्या ऐकण्यासाठी डाऊनलोड करा ई-सकाळचे ऍप

शहरातील अनेक मोठ्या सोसायट्यांमध्ये खाजगी एजन्सीद्वारे सफाई कामगारांची नियुक्ती करण्यात आली आहे. सोसायटीच्या आवारातील घरामधली इमारतीसाठी एक याप्रमाणे कामगारांना नेमण्यात आले आहे. गेल्या काही दिवसांपासून कोरोनाच्या धास्तीमुळे अनेक कामगार त्यांच्या मूळ गावी निघून गेले आहेत. त्यामुळे  स्वच्छता कशी राखायची असा प्रश्न या सोसायटीतील रहिवाशांना पुढे होता. मात्र प्रत्येक इमारतीच्या एका मजल्यावर जेवढे सदनिकाधारक असतील त्यांनी आलटून पालटून त्या त्या मजल्याची सफाई करण्याचा निर्णय घेण्यात आला आहे. या निर्णयाची अंमलबजावणीही गेल्या आठवडाभरापासून सुरू झाली आहे.

Coronavirus : कोरोना व्हायरसचा फोटो समोर; कसा आहे कोरोना पाहाच!

यासंदर्भात पिंपरी चिंचवड हाउसिंग सोसायटी फेडरेशनच्या अध्यक्षा तेजस्विनी सवाई  यांनी सांगितले, वाकड येथील आमच्या शोनेस्ट या सोसायटीमध्ये एकूण आठ इमारती आहेत. प्रत्येक इमारतीला बारा मजले आहेत. प्रत्येक मजल्यावर पाच सदनिकाधारक आहेत. सामान्यपणे या सर्व इमारतींसाठी  रोज आठ जण कार्यरत असतात.

Corona Virus : पुण्यात संपर्काशिवाय कोरोनाच्या संसर्गाचा पाचवा रुग्ण

मात्र गेले तीन-चार दिवस त्यासाठी केवळ दोघे कामगार उपलब्ध आहेत. त्यामुळे प्रत्येक मजल्याची सफाई  त्या मजल्यावरील रहिवाशांकडून करण्यात येत आहे. तसेच ओला-सुका आणि धोकादायक कचरा टाकण्यासाठी इमारतीखाली तीन स्वतंत्र डस्टबिन ठेवण्यात आल्या आहेत. प्रत्येक नागरिक या डस्टबिनमध्येच त्या त्या प्रकारचा कचरा टाकत आहे. याबाबत फेडरेशनच्या सर्व सभासदांना कळवण्यात आले आहे. अशाच प्रकारे अन्य सोसायट्यांमध्ये तेथील नागरिकांकडून सफाईची कामे करण्यात येत आहेत.