पिंपरीत अग्निशमन दलाला 'रेड अलर्ट'; जवानांच्या कामाचे तास वाढविण्याचा विचार

पिंपरी - कोरोना संसर्ग आणि 'लॉकडाऊन' च्या परिस्थिती मुळे पिंपरी चिंचवड महानगरपालिकेच्या अग्निशमन दलाला 'रेड अलर्ट' देण्यात आला आहे. तसेच आवश्यकता भासल्यास पोलीस अथवा वैद्यकीय सेवेतील कर्मचारी वर्गाला मदत करण्यासाठी तत्पर राहण्याच्या सूचना देण्यात आल्या आहेत. 

बातम्या ऐकण्यासाठी डाऊनलोड करा ई-सकाळचे ऍप

पिंपरी चिंचवड महानगरपालिकेकडून कोरोनाचे संक्रमण टाळण्यासाठी आवश्यक दक्षता घेतली जात आहे. संभाव्य परिस्थिती लक्षात घेऊन खासगी रुग्णालयात देखील रुग्णांसाठी जादा खाटांची तजवीज केली जात आहे. या स्थितीत पालिकेने अग्निशमन दलाला रेड अलर्ट दिला आहे. 

अग्निशमन दलाच्या सूत्रांनी दिलेल्या माहितीनुसार, दलाकडे सध्या २३ अग्निशमन बंब आहेत. त्यापैकी, मुख्य केंद्रासह भोसरी,रहाटणी, प्राधिकरण आदी उपकेंद्रांवर सध्या १८ गाड्या वापरात अाहेत. केंद्रावरील प्रत्येक जवानाला जवळपास १० तासांच्या पाळीत कर्तव्य बजावे लागत आहे. मात्र, 'रेड अलर्ट' मिळाल्याने त्यांच्या पाळीच्या तासांमध्ये फेरबदल करण्याचा दलाचा विचार केला जात आहे. त्यांच्या कामाचे तास वाढविणे किंवा त्यांना सलग ३ पाळी लागू करून मग, जवानांना १ किंवा २ दिवस विश्रांती साठी सुट्टी देण्याचे विचाराधीन आहे. 

Corona Virus : पुण्यात संपर्काशिवाय कोरोनाच्या संसर्गाचा पाचवा रुग्ण

पालिकेचे मुख्य अग्निशमन अधिकारी किरण गावडे यांनीही त्याला दुजोरा दिला. मात्र, कर्मचारी वर्गाचे कामाचे तास वाढविण्याबाबत, अजून कोणताही निर्णय झाला नसून महापालिका आयुक्त व अतिरिक्त आयुक्त यांच्या आदेशानुसार पुढील कार्यवाही केली जाईल, असेही त्यांनी स्पष्ट केले.