Coronavirus : शेअर ऑटोमुळे संसर्गाचा धोका

पिंपरी - कोरोना विषाणूचा संसर्ग टाळण्यासाठी विविध उपाययोजना आखल्या जात आहेत. मात्र, शहरात धावणाऱ्या शेअर रिक्षामुळे संसर्ग होण्याची शक्यता नाकारता येत नाही. परिणामी  काही दिवस शेअर ऑटोवर निर्बंध घालण्याची मागणी सुज्ञ नागरिकांकडून केली जात आहे.

बातम्या ऐकण्यासाठी डाऊनलोड करा ई-सकाळचे ऍप

कोरोनाचा प्रादुर्भाव टाळण्यासाठी शहरातील शाळा, महाविद्यालये, सिनेमागृहे, जिम, विरंगुळा केंद्रे, उद्याने आदी बंद ठेवण्यात आली आहेत. एकूणच गर्दीच्या ठिकाणे टाळण्याचे आवाहन नागरिकांना करण्यात येत आहे. विशेष म्हणजे, लोकल सेवा, बस बंद केली आहे. त्यामुळे सध्या प्रवाशांनी रिक्षाला प्राधान्य दिले जात असल्यामुळे शहरांतर्गत प्रवासासाठी सोयीच्या ठरणाऱ्या आॅटो रिक्षांचा व्यवसाय  तेजीत आल्याचे दिसून आले आहे.

Corona Virus : पुण्यात संपर्काशिवाय कोरोनाच्या संसर्गाचा पाचवा रुग्ण

शहरात काही मार्गावर शेअर ऑटो धावतात. यातून एका वेळी तीन ते चार प्रवासी वाहतूक केली जाते. आरटीओच्या संमतीने शेअर्स ऑटोचे मार्ग निश्चित करण्यात आले आहेत. शहराच्या उपनगरात अशाप्रकारे शेअर्स ऑटोचे अनेक मार्ग आहेत. परवडत नसल्याने रिक्षा चालकांनी चार ते पाच प्रवासी कोंबतात. त्यामुळे संसर्ग होण्याचा धोका संभवतो.