Chhatrapati Sambhajinagar: व्यावसायिकाला डोळ्यात मिरची पूड टाकून लुटले; जेवणाची ऑर्डर देण्यासाठी बोलावले;दागिन्यासह रोख रक्कम पळविली

छत्रपती संभाजीनगर: एका केटरिंग व्यावसायिकाला वास्तुशांतीच्या जेवणाची ऑर्डर द्यायच्या बहाण्याने बोलावले. तेथे जाताच डोळ्यात मिरची पूड टाकून रॉडने मारहाण केली. यानंतर कानातील चार ग्रॅमच्या बाळ्या आणि ५५ हजार ९०० रुपये रोख लुटल्याची घटना सातारा परिसरातील प्रभू हॉटेलच्या मागे बुधवारी (ता. १८) घडली. याबाबत शनिवारी (ता. २१) सातारा पोलिस ठाण्यात गुन्हा नोंद झाला.