Holi 2023 : होलिका दहनानंतर मुठभर राख बदलू शकते तुमचं नशीब, लगेच करा हा एक उपाय
Holi 2023 : होळी हा सण संपूर्ण भारतात मोठ्या उत्साहाने साजरा केला जातो. तसेच देशातल्या वेगवेगळ्या भागात हा सण थोड्या फार फरकाने साजरा केला जातो. यानिमित्ताने सगळे एकत्र येतात. त्यानंतर आरोळी, बोंबा ठोकत होलिका दहन करतात. यानंतर गडबड असते ती म्हणजे या धगधगत्या होळीत नारळ टाकण्याची, तिची राख उचलण्याची. पण, ही राख नेमकी का उचलतात, टीळा म्हणून ती कपाळी का लावतात... माहितीये?
होलळीची राख म्हणजे साक्षात लक्ष्मीचा आशीर्वाद मानला जातो
असं म्हणतात की शनीची महादशा असो किंवा मग राहू केतुची पिडा, मूठभर होळीची राख शिवलिंगावर लावल्यास या अडचणी दूर होतात. वैवाहिक आयुष्यात आनंदाची उधळण होते. नोकरीमध्ये येणारे अडथळे दूर होतात.
होळीची राख आणि तांब्याची सात नाणी एका लाल रंगाच्या कापडात बांधून तिजोरीत ठेवल्यास घरात धनधान्य संपत्ती नांदते असं म्हणतात. आर्थिक वृद्धीसाठी ही राख म्हणजे जणू वरदान. इतकंच नव्हे, तर घरावर असणाऱ्या वाईट प्रवृत्तींच्या नजरा दूर पळवून लावण्यासाठीसुद्धा ही राख फायद्याची. यासाठी होलिका दहनानंतर दुसऱ्या दिवशी सकाळच्या सुमारास राख आणा आणि यामध्ये मीठ, राई मिसळून ती घरातील गुप्त स्थानी ठेवा.
अशीही एक मान्यता आहे की जी मंडळी सतत आजारी असतात त्यांनी साधरण महिनाभर कपाळावर ही राख टीळा म्हणून लावावी. याचे परिणाम लगेचच दिसू लागतील. नवग्रहांच्या दुष्परिणामांना टाळण्यासाठी अंघोळीच्या पाण्यात होळीची राख मिसळावी. यामुळं आर्थिक आणि शारीरिक फायदा होतो. (Astrology)
तुमच्या घरात सुखशांती नांदत नसेल तर होलिका दहनाच्या दुसऱ्या दिवशी पहाटे, थोडी राख घराच्या कोपऱ्यात उडवा. हा उपाय सकाळच्याच वेळेत करा. एक बाब लक्षात ठेवा की इतर कुणी हे पाहणार नाही. यामुळं गृहक्लेश दूर होण्यासोबतच घरातील सदस्यांमध्ये असणारे मतभेदही दूर होतील. (Holi)
हे ही वाचा
