Krishna Janmashtami: पारंपरिक पद्धतीने गोविंद लाडू कसे तयार करायचे?

हिंदू परंपरेनुसार, जन्माष्टमी हा सण भाद्रपद महिन्यातील कृष्ण पक्षातील अष्टमी तिथीला श्रीकृष्णाचा जन्मोत्सव म्हणून साजरा केला जातो. यावर्षी 19 ऑगस्ट 2022 रोजी जन्माष्टमीचा पवित्र सण साजरा केला जाणार आहे. जन्माष्टमीच्या दुसऱ्या दिवशी म्हणजेच 19 ऑगस्ट 2022 रोजी दहीहंडी (Dahi Handi) उत्सवाचे आयोजन केले जाईल. दहीहंडी हा सण भगवान श्रीकृष्णाच्या उपासनेचा एक भाग मानला जातो. भारतात अनेक ठिकाणी दहीहंडी उत्सव मोठ्या प्रमाणावर आयोजित केला जातो. चला तर मग आज आपण बघू या पारंपरिक गोविंद लाडू कसे तयार करायचे ?

साहित्य:

1) दोन वाटी पोहे

2) एक वाटी भाजलेले शेंगदाणे

3) दिड वाटी खिसलेले खोबरे

4) एक वाटी खिसलेला गूळ

5) एक टेबलस्पून जायफळ पूड

6) एक टेबलस्पून तूप

7) काजू, बदाम, मनुके

8) 1 चमचा खसखस

कृती:

सर्वप्रथम कढईमध्ये शेंगदाणे भाजून घ्यावे.

शेंगदाणे भाजून झाले की एका ताटात काढून घ्यावे.

आता कढईमध्ये पोहे भाजून घेऊन ते ही काढून घ्यावे आणि खिसलेले खोबरे भाजून घ्यावे. ते ही भाजून झाले कि काढून घ्या.कढई मध्ये तूप घालावे आणि ड्रायफ्रूट्स तळून घ्या व खसखस परतून घ्यावे.आता पोहे मिक्सरला बारीक करा, शेंगदाणे बारीक करून घ्या आणि काजू बदाम मनुके असे सर्व साहित्य मिक्सरला थोडेसे बारीक करून घ्या आणि एका बाउल मध्ये काढा. त्यात खिसलेला गूळ घाला, वेलदोडे जायफळ पूड घाला आणि तूप घाला. हे सर्व मिश्रण एकजीव झाले की मग त्यांचे मस्त लाडू तयार करुन घ्यावे.