Shravan Somvar 2023 : श्रावण सोमवारला विशेष महत्व असून यंदा श्रावण अधिक मासाचे चार आणि श्रावणातील चार असे एकूण आठ सोमवार आलेत. आज श्रावण महिन्यातील चौथा म्हणजेच शेवटचा सोमवार. श्रावण सोमवारचे व्रत केल्याने भक्तांच्या सगळ्या इच्छा पूर्ण होताता अशी मान्यता आहे. चला तर शेवटच्या श्रावण सोमवारला महादेवाला प्रसन्न करण्यासाठीचे काही खास उपाय जाणून घेऊयात.
श्रावण महिन्यात महादेवाची भक्तांवर विशेष कृपा असते. आज शेवटचा श्रावण सोमवार असल्याने या महिन्यात महादेवाला प्रसन्न करण्यासाठीचा हा शेवटचा सोमवार असणार आहे.
आज सकाळी आंघोळ करून महादेवाच्या पूजेसाठीचा संकल्प घ्यावा.
पंचांगानुसार दिलेल्या शुभमुहूर्तावर शिवमंदिरात जाऊन किंवा घरीच शिवलिंगाची पूजा करा.
पूजा झाल्यावर शंकराच्या पिंडीवर गंगाजल आणि दुधाचा अभिषेक करा.
महादेवाला चंदन, पांढरी फुले, बेलपत्र, धोतरा, भस्म आणि फुलांची माळ अर्पण करा.
याशिवाय मध, फळे, मिठाई, साखर, धूप आणि दिवा अर्पण करा.
नंतर शिव चालिसा आणि सोमवार व्रत कथा पाठ करा.
सगळ्यात शेवटी शिवलिंगासमोर तुपाचा दिवा लावून शंकराची आरती करावी.
शेवटच्या श्रावण सोमवारी म्हणजे आज पुष्य नक्षत्र ७ वाजून ५९ मिनिटांपर्यंत राहील. या दिवशी परिघ योग निर्माण होत असून हा योग रात्री १२ वाजून १२ मिनिटांपर्यंत असेल. शत्रूंवर विजय मिळवण्यासाठी या योग शुभ आहे असे म्हटले जाते. शिवाय कौलव करण १० वाजून ३८ मिनिटांपर्यंत राहील.
आज श्रावणाच्या शेवटच्या सोमवारी जव शिवामूठ वाहावी. शिवामूठ वाहताना ॐ नमः शिवाय। हा मंत्र म्हणावा
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.