आजचे पंचांग आणि दिनविशेष - 07 मे 2022

पंचांग-

शनिवार : वैशाख शुद्ध ६, चंद्रनक्षत्र पुनर्वसू, चंद्रराशी कर्क, चंद्रोदय सकाळी १०.५७, चंद्रास्त रात्री १२.३५, श्रीनृसिंह नवरात्रारंभ, भारतीय सौर वैशाख १७ शके १९४४.

दिनविशेष

२००० : कोची येथे झालेल्या ताल बुद्धिबळ अकादमीच्या फिडे आंतरराष्ट्रीय बुद्धिबळ स्पर्धेत तिरुअनंतपुरमचा नऊ वर्षांचा बुद्धिबळपटू अर्जुन विष्णुवर्धन याला भारतातील सर्वांत लहान ‘फिडे मास्टर’ होण्याचा मान मिळाला.

२००३ : भल्या मोठ्या सूर्यबिंबावरून बारीक ठिपक्‍यासारख्या दिसणाऱ्या बुध ग्रहाने तब्बल पाच तास सतरा मिनिटे प्रवास करून अधिक्रमण केले. बुधाचे या शतकातील हे पहिलेच अधिक्रमण होते. सूर्यबिंबावर पूर्वेकडून वायव्येकडे असा प्रवास बुधाने केला.

२००८ : जमिनीवरून जमिनीवर मारा करू शकणाऱ्या ‘अग्नी-३’ या अण्वस्त्रवाहू क्षेपणास्त्राची ओरिसातील व्हीलर्स आयलंडवरून यशस्वी चाचणी.

२०१६ : दुसऱ्या जागतिक ऑलिंपिक पात्रता स्पर्धेत विनेश फोगटने सुवर्ण, तर साक्षी मलिकने रौप्य पदकासह भारताला रिओ ऑलिंपिकचा कोटा मिळवून दिला.