आजचे पंचांग आणि दिनविशेष - 14 मार्च 2022

पंचांग -

सोमवार : फाल्गुन शुद्ध ११, चंद्रनक्षत्र पुष्य, चंद्रराशी कर्क, चंद्रोदय दुपारी ३.१७, चंद्रास्त सकाळी ६.४७, सूर्योदय ६.४४, सूर्यास्त ६.४२, आमलकी एकादशी, पारसी आबान मासारंभ, भारतीय सौर फाल्गुन २३ शके १९४३.

दिनविशेष -

२००३ - गझलसम्राट कविवर्य सुरेश भट यांचे निधन. सुरेश भट यांना विदर्भ साहित्य संघाने ‘जीवनव्रती पुरस्कार’ देऊन गौरविले होते. त्यांचे ‘रूपगंधा’, ‘रंग माझा वेगळा’, ‘एल्गार’, ‘झंझावात’, ‘सप्तरंग’ इ. काव्यसंग्रह प्रसिद्ध आहेत.

२०१५ - मालदीवचे माजी अध्यक्ष आणि विरोधी पक्षनेते महंमद नशीद यांना दहशतवाद विरोधी कायद्याअंतर्गत दोषी ठरवत १३ वर्षांच्या तुरुंगवासाची शिक्षा सुनावली.

२०१५ - ‘रघुपती राघव राजाराम’च्या उद्‌घोषात ब्रिटिश संसदेसमोरील पार्लमेंट स्क्वेअर येथे महात्मा गांधी यांच्या ऐतिहासिक पुतळ्याचे अनावरण.