आजचे पंचांग आणि दिनविशेष - 16 एप्रिल 2022

पंचांग -

शनिवार : चैत्र शुद्ध १५, चंद्रनक्षत्र हस्त, चंद्रराशी कन्या/तूळ, चंद्रोदय सायं. ६.३५, चंद्रास्त स. ६.३६, सूर्योदय ६.१८, सूर्यास्त ६.५०, हनुमान जयंती, वैशाख स्नानारंभ, पौर्णिमा समाप्ती उ. रात्री १२.२५, भारतीय सौर चैत्र २६ शके १९४४.

दिनविशेष -

१९९५ - देशातील लोकशाही टिकवून धरण्यासाठी केलेल्या अथक प्रयत्नांचा गौरव म्हणून मुख्य निवडणूक आयुक्त टी. एन. शेषन यांना ‘ऑनेस्ट मॅन ऑफ द इयर’ हा पुरस्कार प्रदान.

१९९९ - चालकरहित ‘निशांत’ या विमानाची व जमिनीवरून हवेत मारा करणाऱ्या ‘त्रिशूल’ या क्षेपणास्त्राची चंडीपूर येथे यशस्वी चाचणी.

२००४ - सौरभ गांगुलीच्या नेतृत्वाखालील भारतीय क्रिकेट संघाने पाकिस्तानात प्रथमच कसोटी मालिका जिंकून इतिहास घडवला. निर्णायक तिसऱ्या कसोटी सामन्यात भारताने एक डाव आणि १३१ धावांनी विजय मिळवून तीन कसोटींची मालिका २-१ अशा फरकाने जिंकली.

२००४ - जम्मू ते उधमपूर या लोहमार्गावर प्रथमच मालगाडीची यशस्वी चाचणी. काश्‍मीर खोऱ्याला देशातील इतर भागाशी रेल्वेने जोडणारा हा महत्त्वाकांक्षी राष्ट्रीय प्रकल्प आहे.

२०१५ - स्वदेशी बनावटीच्या अण्वस्त्रवाहू ‘अग्नी-३’ क्षेपणास्त्राची व्हीलर बेटावर यशस्वी चाचणी.