आजचे पंचांग आणि दिनविशेष - 24 एप्रिल 2022

पंचांग -

रविवार : चैत्र कृष्ण ९, चंद्रनक्षत्र श्रवण, चंद्रराशी मकर/कुंभ, चंद्रोदय उ. रात्री २.३६, चंद्रास्त दुपारी १.१०, सूर्योदय ६.१२, सूर्यास्त ६.५२, भारतीय सौर वैशाख ४ शके १९४४.

दिनविशेष -

२०१३ - पंचायतराज व्यवस्थेतील सर्वोत्कृष्ट कामगिरीबद्दल २०१२-१३चा प्रथम क्रमांकाचा पुरस्कार पंतप्रधान डॉ. मनमोहनसिंग यांच्या हस्ते महाराष्ट्राचे ग्रामविकासमंत्री जयंत पाटील आणि राज्यमंत्री सतेज पाटील यांनी स्वीकारला.

२०१४ - दक्षिण कोरिया येथे सुरू असलेल्या आशियाई अजिंक्‍यपद बॅडमिंटन स्पर्धेत साईना नेहवालच्या अनुपस्थितीत पी. व्ही. सिंधेची महिला एकेरीत, तर आर. एम. व्ही. गुरुसाईदत्तची पुरुष एकेरीत आणि ज्वाला गुट्टा-अश्‍विनी पोनप्पा यांची महिला दुहेरीच्या उपांत्यपूर्व फेरीत धडक.

२०१६ - आशियाई विजेत्या संदीप तोमरने पहिल्या ऑलिंपिक पात्रता कुस्ती स्पर्धेत ब्रॉँझपदक, तसेच भारताला ऑलिंपिक कोटा मिळवून दिला. संदीपने हा पराक्रम फ्रीस्टाइल प्रकारातील ५७ किलो वजनी गटात केला.