आजचे पंचांग आणि दिनविशेष - 7 ऑगस्ट 2022

पंचांग -

रविवार : श्रावण शुद्ध १०, चंद्रनक्षत्र अनुराधा, चंद्रराशी वृश्‍चिक, चंद्रोदय दुपारी २.३५, चंद्रास्त उ. रात्री १.५३, सूर्योदय ६.१५, सूर्यास्त ७.०५, आदित्य पूजन, भारतीय सौर श्रावण १६ शके १९४४.

दिनविशेष -

• १९८७ - जलतरणपटू आरती प्रधान १२ तास २८ मिनिटांत इंग्लिश खाडी पोहून जाण्यात यशस्वी. आशिया खंडातील पुरुष व महिलांमधील सर्वांत लहान जलतरणपटू बहुमानाची ती मानकरी ठरली.

• १९९१ - जमिनीवरून हवेत मारा करणाऱ्या पृथ्वी या क्षेपणास्त्राची श्रीहरिकोटा येथे तिसऱ्यांदा चाचणी यशस्वी.

• १९९७ - ज्येष्ठ चित्रपट निर्माते गौतम घोष यांना प्रख्यात इटालियन दिग्दर्शक सिका यांच्या नावाने दिला जाणारा ‘व्हिट्टोरिओ डी सिका’ सन्मान जाहीर.

• २००० - ब्रिटिश बुद्धिबळ स्पर्धेत नऊ वर्षांखालील गटात भारताच्या संकल्प मोदवलने संयुक्त विजेतेपद पटकाविले.

• २००३ - अमेरिकेची अंतराळ संशोधन संस्थेतर्फे (नासा) आकाशगंगेतील काही लघुग्रहांना ‘कोलंबिया’ या अपघातग्रस्त अवकाशयानातील सर्व दिवंगत अंतराळवीरांची नावे देण्याचा निर्णय. यात भारतीय अंतराळवीर कल्पना चावला हिचाही समावेश आहे.