Shani Jayanti 2022: साडेसातीपासून वाचण्यासाठी अवश्य करा हे उपाय; त्रासांपासून मिळेल मुक्ती

Shani Jayanti 2022: ज्योतिष शास्त्रामध्ये, शनिदेवाला न्यायाची देवता आणि कर्मांचं फळ देणारा मानलं जातं. शनिदेव लोकांना त्यांच्या कर्मानुसार फळ देतात. चांगली कृत्ये करणाऱ्यांना चांगली आणि वाईट कर्म करणाऱ्यांना शिक्षा होते. असे मानले जाते की ज्या व्यक्तीवर शनिदेवाची कृपा असते, त्यांना आयुष्यात कशाचीही कमतरता नसते. परंतु शनिदेवाच्या वक्रदृष्टीमुळे व्यक्तीचा सर्वनाश होतो. शनिदेवाला प्रसन्न करण्यासाठी लोक विविध उपाय करतात.

हिंदू कॅलेंडरनुसार, शनि जयंती दरवर्षी ज्येष्ठ महिन्याच्या अमावस्येला साजरी केली जाते. यावर्षी शनि जयंती 30 मे 2022, सोमवारी आहे. या दिवशी ज्या लोकांवर शनि ढैय्या (अडीच वर्षांचा प्रभाव) आणि शनीची साडेसाती चालू आहे, त्यांनी शनिदेवाला प्रसन्न करण्यासाठी उपाय अवश्य करावेत. शनिदेवाला प्रसन्न करण्यासाठी शनि जयंतीचा दिवस सर्वोत्तम मानला जातो.

या राशींवर साडेसातीचा प्रभाव-

सध्या शनिदेव कुंभ राशीत विराजमान आहेत. अशा स्थितीत कुंभ, मीन आणि मकर राशीच्या लोकांवर शनीच्या साडेसातीचा प्रभाव पडतो. कर्क आणि वृश्चिक राशीच्या लोकांसाठी शनी ढैय्या चालू आहे. यावर्षी शनि जयंतीला शनिदेव स्वतःच्या कुंभ राशीत विराजमान होणार आहेत. ग्रहांची ही स्थिती सुमारे 30 वर्षांनंतर तयार होत आहे. अशा परिस्थितीत शनिदेवाला प्रसन्न करण्यासाठी खाली सांगितलेले उपाय अनेक पटींनी फलदायी ठरू शकतात.

शनि जयंतीच्या दिवशी करा हे खास उपाय-

1. शनि जयंतीच्या दिवशी शनिदेवाची पूजा करताना ‘ओम शनिश्चराय नमः’ या मंत्राचा जप करावा आणि शनि चालिसाचा पाठ करावा.

2. शनि जयंतीच्या दिवशी दान करणे खूप लाभदायक मानले जाते. या दिवशी पितळेच्या भांड्यात मोहरीचे तेल घेऊन त्यात आपला चेहरा पहा. त्यानंतर ती भांड्यासोबत कोणत्याही गरीब किंवा गरजू व्यक्तीला दान करा किंवा शनि मंदिरात ठेवून द्या.

3. शनि जयंतीच्या दिवशी शनि मंदिरात जाऊन पूजा करा. त्यानंतर शनिदेवाला मोहरीचे तेल, काळे तीळ आणि काळे उडीद अर्पण करावे.

4. शनि जयंतीच्या दिवशी कोणत्याही गरीब किंवा गरजू व्यक्तीला आपल्या क्षमतेनुसार मदत करा.

5. शनि जयंतीला धन, काळे वस्त्र, तेल, अन्न, तीळ, उडीद इत्यादी दान करणे शुभ मानले जाते.