Shravan Somvar Upay मनातील इच्छा पूर्ण करायचीय? शंकराच्या पिंडीवर अशा पद्धतीने अर्पण करा बेलाचे पान

Shravan Somvar Upay : हिंदू परंपरेमध्ये श्रावण महिन्यास विशेष असे महत्त्व आहे. तसेच या महिन्यात भगवान शंकराची उपासना करण्याचीही धार्मिक व खास परंपरा आहे. धार्मिक मान्यतेनुसार श्रावणी सोमवारी भगवान भोलेनाथाची उपासना केल्यास भक्तगणाचे रोग, दोष आणि कित्येक प्रकाराच्या संकटांतून मुक्तता मिळण्याची शक्यता असते, असे म्हणतात. 

तर ज्योतिषशास्त्रातील माहितीनुसार सोमवारी महादेवाची उपासना केल्यास शनीची साडेसाती तसंच ढय्याचा अशुभ प्रभाव देखील कमी होण्यास मदत मिळते. इतकंचे नव्हे तर मनातील एखादी इच्छा पूर्ण करायची असेल तर देखील श्रावणी सोमवारी भगवान शंकराची उपासना करण्याचा सल्ला तज्ज्ञमंडळींकडून दिला जातो. असाच एक उपाय श्री श्रद्धा अॅस्ट्रोलॉजीचे डॉ. शिरीष कुलकर्णी यांनी सोशल मीडियाच्या माध्यमातून सांगितला आहे. जाणून घेऊया माहिती…

डॉ. शिरीष कुलकर्णी यांनी सांगितलेला उपाय

 "श्रावण महिना सुरू आहे, प्रत्येक जण आपापल्या पद्धतीने महादेवाची उपासना करत आहेत. काही लोक ११, २१, १०१ तर १००१ बेलाची पाने महादेवाच्या पिंडीवर अर्पण करत आहेत. तर काही जण रुद्राभिषेकही करत आहेत", अशी माहिती देत डॉ. शिरीष कुलकर्णी यांनी मनातील इच्छा पूर्ण करण्यासाठी पुढील प्रमाणे एक सोपा उपाय सांगितला. 

मनातील इच्छा पूर्ण करण्यासाठी सोपा उपाय  

• २१ बेलाची पाने घ्या. 

• चंदन उगाळून त्यापासून गंध तयार करा. 

• तयार झालेल्या गंधाने बेलाच्या प्रत्येक पानावर ॐ नमः शिवाय असे लिहा.

• ॐ नमः शिवाय लिहिलेली ही बेलाची २१ पाने महादेवाच्या पिंडीवर अर्पण करा. 

• आपल्या मनातील इच्छा व्यक्त करून श्रावणातील कोणत्याही सोमवारी अशा पद्धतीने महादेवाची उपासना करावी. 

Content Credit @shreeshraddhaastrology

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.