186 Years Old Royal Kitchen : नवाबाने सुरू केलेलं स्वयंपाकघर तब्बल २०० वर्ष चालवतंय मोफत अन्नछत्र

186 Years Old Royal Kitchen : या भोजनालयाची सुरुवात झाली होती अवधचे नवाब मोहम्मद अली शाह यांच्या कारकिर्दीत म्हणजेच 1837 मध्ये. आपल्या देशात लंगर किंवा मग लोकांना मोफत जेवायला वाढायची प्रथा खूप जुनी आहे. आपल्या सर्वांना माहित आहे की, कोणतीही व्यक्ती अशा जेवणावळी मध्ये बसून कोणतेही शुल्क न भरता भोजन करू शकते. देशातील अनेक लहान-मोठ्या धार्मिक स्थळांवर असं मोफत अन्न दिलं जातं. तुम्ही अशी अनेक ठिकाणं पाहिली असतील पण आज आम्ही आज अशा एका मोफत भोजनालयाची गोष्ट सांगणार आहोत, जे कित्येक वर्षांपासून चालवले जात आहे.

186 वर्ष जुने भोजनालय

या भोजनालयाची सुरुवात झाली होती अवधचे नवाब मोहम्मद अली शाह यांच्या कारकिर्दीत म्हणजेच 1837 मध्ये. त्याच ठिकाणी छोटा इमाम बडा बांधल्यानंतर त्याची सुरुवात झाली. या स्वयंपाकघरात शाकाहारी जेवणाची मेजवानी असायची. या भोजनालयाची खास गोष्ट म्हणजे इथे सर्व धर्माचे लोक जेवण करू शकतात. आज 186 वर्षांनंतरही हे भोजनालय सुरू आहे.

रमजान महिन्यात या स्वयंपाकघरात 24 तास अन्न तयार केले जाते. मीडिया रिपोर्ट्सनुसार, या भोजनालयात दररोज 50 किलो जेवण बनवले जातात. इथे चपत्यांची तर गणतीच नाही, या सोबत हरभरा डाळ आणि बटाट्याची आमटी देखील इथे मोठ्या प्रमाणात बनवली जाते.

अन्नावर कोणतेही निर्बंध नाहीत

गरीब लोकांशिवाय इतर धर्मातील गरजू लोक येथे मोफत अन्न खातात. यासोबतच गरजू लोक आपल्या कुटुंबासाठी जेवणही येथूनच घेऊन जाऊ शकतात. इथे चांगली गोष्ट अशी आहे की जेवायला जाताना कोणालाही अडवलं जात नाही, जो जेवण मागतो त्याला तेवढ अन्न दिलं जातं. येथे सकाळी 11 वाजल्यापासून जेवण सुरू होतं, जे संध्याकाळी इफ्तारीच्या वेळेपर्यंत उपलब्ध असते.

या भोजनालयाच्या संदर्भात इतिहासकार डॉ. रवी भट्ट म्हणतात की, मोहम्मद अली शाह यांनी छोटे इमामबारा बांधण्यासाठी ब्रिटिशांकडे 26 लाख जमा केले होते. पुढे ब्रिटिश राजवट संपल्यावर हा पैसा हुसेनाबाद ट्रस्टकडे गेला. या पैशातून हे स्वयंपाकघर चालवले जात आहे. त्याची सुरुवात खुद्द नवाबाने केली होती.

येथील नोकर मुर्तुजा हुसेन उर्फ राजूच्या म्हणण्यानुसार, हे नवाबांच्या काळातील स्वयंपाकघर आहे. त्यामुळे याला रॉयल किचन म्हणतात. ते 24 तास खुले असते. या किचनचे वैशिष्ट्य म्हणजे येथे शुद्ध आणि शाकाहारी जेवण मिळते. यासोबतच जेवणासाठी कोणालाही पैसे द्यावे लागत नाहीत. शाकाहारी जेवणामुळे येथे सर्व धर्माचे लोक येतात आणि जेवण करतात. कोणीही उपाशी राहू नये म्हणून संध्याकाळी हुसैनाबाद ट्रस्टकडे इफ्तारीसाठी येणाऱ्या मशिदींमध्ये हे अन्न पाठवले जाते.

रिपोर्ट्सनुसार, येथे रोज अनेक लोक जेवण घेण्यासाठी येतात. रमजान महिन्यात येथे मोठी रांग असते. लोक अन्न पॅक करून घेऊन जातात आणि घरी खातात. जेवणाची चवही खूप छान असते.