5G स्पेक्ट्रमसाठी चौथा अर्ज अदाणींचाच; अधिकृत यादी जाहीर

मुंबई - मुकेश अंबानी आणि गौतम अदाणी हे दोघे उद्योगपती गुजरातचे आहेत. आतापर्यंत दोन्ही उद्योजक वेगवेगळ्या क्षेत्रात कार्यरत होते. दोघांमध्ये फारशी स्पर्धा नव्हती. मात्र अदाणी आणि अंबानी यांच्यात टेलिकम्युनिकेश क्षेत्रात थेट स्पर्धा होणार असं चित्र आहे. (Gautam adani vs Mukesh Ambani news in Marathi)

दूरसंचार विभागाने जाहीर केलेल्या यादीनुसार 600 मेगाहर्ट्झ, 700 मेगाहर्ट्झ, 800 मेगाहर्ट्झ, 900, 1800 MHz, 2100 MHz, 2300 MHz, 2500 MHz, 3300 MHz आणि 26 GHz मेगाहर्ट्झमध्ये स्पेक्ट्रमच्या हक्कांसाठी 5G लिलावात सहभागी होण्यासाठी अदानी डेटा नेटवर्क्स लिमिटेड, रिलायन्स जिओ इन्फोकॉम, व्होडाफोन आयडिया लिमिटेड आणि भारती एअरटेल लिमिटेडकडून अर्ज प्राप्त झाले आहेत.

दूरसंचार विभागाने म्हटलं की "ही यादी केवळ माहितीसाठी आहे आणि कोणत्याही प्रकारे हे सूचित करत नाही की या अर्जांवर प्रक्रिया केली गेली आहे किंवा ते आधीच पात्र झाले आहे.

दरम्यान 5G लिलाव 26 जुलैपासून सुरू होणार आहे. लिलावातील विजेत्याला 20 वर्षे स्पेक्ट्रम वापरण्याचा अधिकार मिळणार आहे. सरकार एकूण 72,097.85 मेगाहर्ट्झ स्पेक्ट्रमचा लिलाव करणार आहे. त्याची किंमत सुमारे 4.3 लाख कोटी रुपये आहे.