जवानाकडून CRPF कॅम्पवर गोळीबार; चार जवानांचा मृत्यू, ३ जखमी

सुकमा : छत्तीसगडमधील नक्षली परिसरात तैनात असलेल्या सीआरपीएफ (CRPF) जवानाने सीआरपीएफ कॅम्पवर गोळीबार केल्याची घटना घडली. यामध्ये चार जवानांचा मृत्यू झाला असून तिघे गंभीर जखमी झाली आहेत. सुकमा जिल्ह्यातील (sukma chhatisgadh) मरइगुडा ठाण्यातील लिगम पल्ली सीआरपीएफ ५० बटालियनमध्ये ही घटना घडली.

सीआरपीएफ ५० बटालियनच्या जवान रात्रपाळीवर तैनात होता. त्याने मध्यरात्री अचानक कॅम्पमध्ये गोळीबार केला. त्यामुळे खळबळ माजली होती. कॅम्पमधीलच चार जवानांचा जागेवरच मृत्यू झाला, तर तिघे गंभीर जखमी झाले. जखमींना जवळच्या रुग्णालयात उपचारासाठी दाखल करण्यात आले आहे. जवानाने गोळीबार का केला? हे अद्याप स्पष्ट होऊ शकले नाही. पण, सीआरपीएफकडून या घटनेची चौकशी केली जात आहे.