Tamil Nadu : 300 फूल खोल खाणीत अडकले ४ मजूर, हेलिकॉप्टरने बचावकार्य सुरू | Sakal
sakal

बोलून बातमी शोधा

Tamil Nadu Mine

Tamil Nadu : 300 फूल खोल खाणीत अडकले ४ मजूर, हेलिकॉप्टरने बचावकार्य सुरू

चेन्नई : तामिळनाडूतील तिरुनेलवेली (Tamil Nadu) जिल्ह्यात 300 फूट खोल खुल्या खाणीत ट्रकमधून कोळसा वाहून नेणारे चार मजूर अडकले. काल रात्रीपासून सर्वजण तिथेच अडकले आहेत. पोलिसांनी दिलेल्या माहितीनुसार, मजुरांची संख्या सहा होती. मात्र, आतापर्यंत दोन जणांना वाचवण्यात यश आले आहे.

हेही वाचा: केतकीला पवारांवरील टीका भोवली! न्यायालयानं सुनावली कोठडी

तिरुनेलवेली जिल्ह्य़ातील मुनीर पल्लम भागात कोळसा खाण आहे. इथून दररोज बाहेर कोळसा जातो. पण, शनिवारी मजूर काम करत असताना या ३०० फूट खोल खाणात दगड घसरले. त्यामुळे कामगारांना त्यांचे ट्रक बाहेर काढता आले नाहीत. सुरुवातीला सहा मजूर अडकल्याचे माहिती होती. अग्निशमन दलाच्या पथकाने दोन जणांना वाचवले आहे. यासोबतच एनडीआरएफची टीमही घटनास्थळी पोहोचली आहे. अवजड क्रेन आणि खाणीत उतरण्यात तज्ज्ञ असलेले लोक, अग्निशमन दल आणि पोलिसांकडून बचाव सुरू आहे. त्याचवेळी बचावकार्यासाठी रविवारी सकाळी हेलिकॉप्टरही मागवण्यात आले आहे, असे दक्षिणी रेंजचे आयजी आसरा गर्ग यांनी सांगितले.

खाणीची रचना अत्यंत गुंतागुंतीची आहे. त्यामुळे सर्व अडकलेल्या लोकांना बाहेर काढण्यासाठी आणखी वेळ लागू शकतो. या क्षणी फक्त चार कामगार अडकल्याची माहिती आहे. पण, आणखी काही मजूर अडकले असण्याची शक्यता आहे, असंही गर्ग म्हणाले.

Web Title: 4 Worker Trapped In 300 Feet Mine In Tamilnadu

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Tamil Nadu
go to top