मोदी सरकारचं नववर्षाचं 'गिफ्ट', ३२ लाख खात्यात २ लाखांपर्यंतची रक्कम? | Sakal
sakal

बोलून बातमी शोधा

 Money

मोदी सरकारचं नववर्षाचं 'गिफ्ट', ३२ लाख खात्यात २ लाखांपर्यंतची रक्कम?

नवी दिल्ली : केंद्र सरकारच्या (Central Govt) 31 लाखांहून अधिक कर्मचाऱ्यांना लवकरच नव्या वर्षी एक बंपर गिफ्ट (New Year Gift) मिळू शकतं. केंद्र सरकार याच महिन्यामध्ये महागाई भत्ता अर्थात डीए (DA) जमा करु शकते. सरकार गेल्या 18 महिन्यांपासून अडकलेला हा भत्ता एकसाथ जमा करण्याच्या तयारीत आहे. जर असं झालं तर येणाऱ्या काही दिवसांमध्येच केंद्रीय कर्मचाऱ्यांना (Central Govt Employees) एकावेळीच दोन लाख रुपयांहून अधिक मोठी रक्कम एकावेळीच हाती पडू शकते.

हेही वाचा: क्रेडिट कार्डची रक्कम EMIमध्ये करण्यापूर्वी लक्षात ठेवा या गोष्टी!

18 महिन्यांपासून पेंडींग आहे महागाई भत्ता

एका सरकारी रिपोर्टनुसार, एक मार्च 2019 रोजी केंद्र सरकारच्या कर्मचाऱ्यांची संख्या 31.43 लाख होती. कोरोनाची महासाथ आल्यानंतर डिए जमा करण्याची प्रक्रिया गेल्या 18 महिन्यांपासून पेंडिंग आहे. ताज्या बातम्यांनुसार, केंद्र सरकार या कर्मचाऱ्यांना 18 महिन्यांचा थकीत डीए या महिन्यातच देऊ करणार आहे. जर 18 महिन्यांचा हा डिए जमा करण्यात आला तर अनेक कर्मचाऱ्यांना एका वेळीच दोन लाखांहून अधिक रक्कम खात्यात जमा होऊ शकते.

हेही वाचा: कमाईच्या 23 संधी! येताहेत बाबा रामदेवांपासून अदानींचे IPO बाजारात

डीए, डीआर, कॉम्पेन्सेशन वाढणार?

डीए आणि डीआर याबाबत सेंट्रल कॅबिनेटच्या पुढील बैठकीत निर्णय घेतला जाऊ शकतो. याशिवाय कॉम्पेन्सेशन देखील वाढवण्याच्या तयारीत सरकार आहे. या सरकारने गेल्या वर्षी ऑक्टोबरमध्ये डीए आणि डीआर वाढवून तो 17 टक्क्यांवरुन 31 टक्के केला होता.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Central Govt employee
loading image
go to top