Sanjay Singh : आपचे खासदार संजय सिंह राज्यसभेतून निलंबित; घोषणाबाजी केल्याने कारवाई | Sakal
sakal

बोलून बातमी शोधा

Sanjay Singh suspended News

Sanjay Singh Suspended : आपचे खासदार संजय सिंह राज्यसभेतून निलंबित

नवी दिल्ली : आपचे (AAP) राज्यसभा खासदार संजय सिंह (Sanjay Singh) यांना संसदेच्या कामकाजातून निलंबित करण्यात आले आहे. घोषणाबाजी, कागद फाडणे व सभापतींच्या खुर्चीच्या दिशेने फेकल्याने ही कारवाई करण्यात आली आहे. चालू आठवड्यातील कारवाईसाठी संजय सिंह यांना निलंबित करण्यात आले आहे. (Sanjay Singh suspended News)

गुजरातमध्ये बनावट दारू पिल्याने झालेल्या मृत्यूचा मुद्दा आपचे (AAP) संजय सिंह (Sanjay Singh) यांनी सभागृहात उपस्थित केला होता. यावेळी घोषणाबाजी करणे, पेपर फाडणे आणि स्पीकरच्या खुर्चीकडे फेकल्याचा आरोप त्यांच्यावर आहे. गुजरातमधील बोटाडमध्ये बनावट दारू प्यायल्याने ३७ जणांचा मृत्यू झाला. तर ५० हून अधिक जणांवर रुग्णालयात उपचार सुरू आहेत.

बुधवारी सभागृहात गदारोळ झाल्याने राज्यसभेतील (Rajya Sabha) १९ खासदारांना आठवडाभरासाठी निलंबित करण्यात आले. या राज्यसभा खासदारांना सभागृहात प्रवेश करून घोषणाबाजी केल्याबद्दल निलंबित करण्यात आले आहे. या खासदारांमध्ये तृणमूलच्या खासदार सुष्मिता देव, डॉ. शांतनु सेन आणि डोला सेन, शांता छेत्री, मोहम्मद अब्दुल्ला, ए. ए. रहीम, एल. यादव आणि व्ही. शिवदासन, अबीर रंजन बिस्वास, नदीमुल हक यांचा समावेश आहे.

हेही वाचा: महाराष्ट्रात लागू होणार गुजरात पॅटर्न; मंत्रिमंडळ विस्तारावरून चर्चा

सोमवारी लोकसभेत विरोधी खासदारांनी महागाई आणि जीएसटीच्या वाढत्या दरांविरोधात निदर्शने केली. लोकसभेत गोंधळ घातल्याप्रकरणी काँग्रेसच्या चार खासदारांवर कारवाई करण्यात आली. मणिकम टागोर, टीएम प्रतापन, ज्योतिमनी व रम्या हरिदास यांना हंगामासाठी निलंबित करण्यात आले.

Web Title: Aap Mp Sanjay Singh Suspended Rajya Sabha

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :aapRajya Sabha