Rahul Gandhi News: राहुल यांना निवासस्थान सोडण्याचे निर्देश देणाऱ्या नोटिशीचा पक्षाचे अध्यक्ष मल्लिकार्जुन खर्गे यांनी जोरदार निषेध केला. या नोटिशीच्या माध्यमातून आमच्या पक्षाच्या माजी अध्यक्षांना धमकावण्याचा आणि त्यांचा अवमान करण्याचा सरकारचा प्रयत्न दिसून येतो असे खर्गे यांनी स्पष्ट केले.
हे शासकीय निवासस्थान सोडल्यानंतर राहुल हे सोनियांच्या ‘१०, जनपथ’ येथील घरी राहण्यासाठी जाऊ शकतात, असेही खर्गे यांनी नमूद केले.
सरकार राहुल यांचे खच्चीकरण करण्याचा प्रयत्न करत असून राहुल हे त्यांच्या आईकडे राहण्यासाठी जाऊ शकतात किंवा मी माझा बंगला त्यांच्यासाठी सोडायला तयार आहे पण या प्रकरणामध्ये सरकारने घेतलेली भूमिका निंदनीय आहे असे म्हणावे लागेल, असे खर्गे यांनी सांगितले.
‘१०, जनपथ’ हे दिल्लीच्या जनपथवरील घर आहे. सध्या सोनिया गांधी यांचे ते निवासस्थान आहे. राजीव गांधी पंतप्रधान असताना हे त्यांचे निवासस्थान होते
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.