आग्रा : उत्तर प्रदेशातील आग्र्यामध्ये एक भीषण अपघात घडला आहे. एका स्कॉर्पियो कारची ट्रकशी धडक झाली असून या दुर्घटनेत जवळपास 8 लोकांचा जागीच मृत्यू झाला आहे. हा अपघात इतका जबरी होता की काही क्षणातच स्कॉर्पियो कारमधील 8 जणांचा त्याक्षणीच मृत्यू झाला तर चार लोक सध्या जबर जखमी झाले आहेत.
बिहारमधील गयाचे रहिवासी असणारे 12 लोक या स्कॉर्पियो गाडीतून प्रवास करत होते. आग्र्यामधील एत्माउद्दौलाजवळ एका ट्रकशी या स्कॉर्पियोची धडक झाली. पोलिसांनी या घटनेची माहिती मिळताच ते घटनास्थळी तातडीने दाखल झाले. यातील मृतांचे मृतदेह पोस्टमार्टमसाठी पाठवले गेले आहेत. सोबतच यातील जखमींवर उपचारांसाठी त्यांना दवाखान्यात दाखल करण्यात आलं आहे. स्कॉर्पियोमधील 12 लोक बिहारमधील गयातून आग्र्याकडे येत होते. तेंव्हा एत्माउद्दौलाजवळील बाजार समितीजवळ ही दुर्घटना घडली. यामध्ये 8 लोक जागीच मृत्यूमुखी पडले तर चार लोक जबर जखमी झाले.
आग्र्याच्या एसपींनी सांगितलं की दोन्ही गाड्या विरुद्ध दिशेने जात होत्या. मात्र, स्कॉर्पियो गाडीने हायवेवर ताबा गमावल्याने डिव्हायडर पार करुन ती दुसऱ्या बाजूला आल्याने ही दुर्घटना घडली. यातील जखमींवर सध्या उपचार सुरु आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.