Delhi Air Pollution: पुन्हा वाढलं राजधानी दिल्लीतील प्रदूषण; कित्येक भागांमध्ये AQI ४०० पार! कुठे काय स्थिती?

राजधानी दिल्लीमध्ये गेल्या काही दिवसांपासून प्रदूषणाची पातळी सातत्याने वाढत चालली आहे. लोकांना श्वास घेण्यास त्रास होत आहे. दिवाळीच्या एक दिवस आधी, दिल्लीतील वायु गुणवत्ता निर्देशांक (AQI) 300 च्या खाली घसरला होता, आता दिवाळीनंतर तो पुन्हा वाढून मंगळवारी 400 च्या पुढे गेला आहे.

केंद्रीय प्रदूषण नियंत्रण मंडळ (CPCB) नुसार, संपूर्ण दिल्लीतील हवेची गुणवत्ता 'गंभीर' श्रेणीत आहे. AQI आनंद विहारमध्ये 430, आरके पुरममध्ये 417, पंजाबी बागेत 423 आणि जहांगीरपुरीमध्ये 428 होता.

तज्ज्ञांचे माहितीनुसार, उत्तर-पश्चिम दिशेकडून वाहणाऱ्या थंड वाऱ्यामुळे प्रदूषित कण वातावरणात पसरू शकत नाहीत, त्यामुळे प्रदूषणाची पातळी सातत्याने वाढत आहे. थंड वाऱ्यांमुळे रात्रीचे तापमान कमी होणार असून, त्यामुळे येत्या काही दिवसांत तापमानात वाढ होण्याची शक्यता आहे.

इंडियन इन्स्टिटय़ूट ऑफ ट्रॉपिकल मेटिऑरॉलॉजीच्या म्हणण्यानुसार, मंगळवारी सकाळी दिल्लीत वारे शांत राहिले ज्यामुळे प्रदूषणाचे कण पसरू शकले नाहीत. त्याचवेळी उत्तर-पश्चिम दिशेकडून वाहणाऱ्या थंड मध्यम वाऱ्याने परिस्थिती आणखी वाईट झाली. सकाळी अंशत: ढगाळ वातावरण होते. बुधवारीही परिस्थिती सुधारण्याची अपेक्षा नाही.

दिल्लीवरील मुख्य वारे उत्तर-पश्चिम/ईशान्य दिशांनी येण्याची शक्यता आहे. वाऱ्याचा वेग ताशी चार किमी असू शकतो. सकाळी आकाश निरभ्र असेल आणि हलके धुके पडेल ज्यामुळे प्रदूषणाची पातळी वाढेल. तर गुरुवारी सकाळी आकाश निरभ्र होईल. दिल्लीतील मुख्य पृष्ठभागाचे वारे पूर्वेकडून हलक्या धुक्यासह ताशी आठ किमी वेगाने वाहू शकतात.