राजकारणापासून आम्ही नेहमी दूर असतो : बिपीन रावत

Bipin Rawat
Bipin Rawat

नवी दिल्ली : राजकारणापासून आम्ही नेहमी दूर असतो. आम्ही सरकारने दिलेल्या आदेशानुसार काम करतो, असे सरसेनाध्यक्ष बिपीन रावत यांनी म्हटले आहे.

केंद्रातील नरेंद्र मोदी सरकारने सरसेनाध्यक्ष या नवीन पदाची घोषणा केल्यानंतर या पदाचा पदभार निवृत्त जनरल बिपीन रावत यांनी स्वीकारला होता. देशाचे पहिले सरसेनाध्यक्ष (चीफ ऑफ डिफेन्स स्टाफ - सीडीएस) यांची नियुक्ती झाली असून, तिन्ही दलांमध्ये समन्वय ठेवण्याची जबाबदारी त्यांच्यावर असणार आहे. बिपीन रावत यांनी नुकतेच नागरिकत्व कायद्यावर वक्तव्य करताना जे लोक नागरिकांना चुकीच्या मार्गाने घेऊन जातात, ते नेते नसतात असे वक्तव्य केल्याने त्यांच्यावर काँग्रेसकडून आरोप करण्यात आले होते. आज गार्ड ऑफ ऑनर त्यांना देण्यात आला.

पहिल्या पत्रकार परिषदेत बोलताना बिपीन रावत म्हणाले, की तिन्ही दलांमध्ये एकवाक्यता ठेवण्याची जबाबदारी आहे. तिन्ही दले एक टीम म्हणून काम करतात. लष्कराच्या तिन्ही दलांमध्ये समन्वय ठेवण्याची जबाबदारी माझ्यावर आहे. लष्कराच्या योजना जगाला सांगितल्या जात नाहीत. लष्कर कायमच राजकारणापासून दूर राहिले आहे. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com