माशांनी भरलेला ट्रक उलटला; चौघांचा मृत्यू, तिघे गंभीर

अमरावती - आंध्र प्रदेशात (Andhra Pradesh) भीषण ट्रक अपघात झाला आहे. यामध्ये चार जणांचा जागीच मृत्यू झाला असून तिघे गंभीर जखमी झाले आहेत. चालकाचे ट्रकवरील नियंत्रण सुटल्यानं हा अपघात झाला असल्याची माहिती समोर येत आहे.

याबाबत मिळालेली माहिती अशी की, पश्चिम गोदावरी जिल्ह्यातील ताडेपल्लिगुडेम भागात ट्रकचा अपघात झाला आहे. ट्रकमधून मासे वाहून नेले जात होते. पहाटेच्या सुमारास ट्रकला अपघात झाला. यात चौघांचा मृत्यू तर तिघे गंभीर जखमी असल्याचं पोलिस निरिक्षक रवि कुमार वीरा यांनी सांगितले.