- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
कोरोना महामारीचा प्रकोप आणखी थांबलेला नाही. जगभरातील वैज्ञानिक विषाणूवर प्रभावी उपचार शोधण्यासाठी दिवसरात्र प्रयत्न करत आहेत.
नवी दिल्ली- कोरोना महामारीचा प्रकोप आणखी थांबलेला नाही. जगभरातील वैज्ञानिक विषाणूवर प्रभावी उपचार शोधण्यासाठी दिवसरात्र प्रयत्न करत आहेत. अशात हैदराबादमधील Asian Institute of Gastroenterology ने कोरोना विषाणूवर उपचारासाठी एक महत्त्वाचा शोध लावल्याचा दावा केला आहे. कोरोना विषाणूला हरवण्यासाठी ही उपचार पद्धती माईलस्टोन ठरु शकते, असं म्हटलं जातंय. म्युटन्ट होत असलेल्या कोरोना विषाणूवर ही उपचार पद्धती प्रभावी ठरतेय का? याबाबत संशोधन सुरु केले आहे. (Antibody Cocktail Treatment Given to 40 Patients in Hyderabad Symptoms Vanished in 24 Hours )
वैज्ञानिकांनी 40 कोरोना रुग्णांना दोन वेगवेगळ्या औषधांचा कॉकटेल डोस दिला होता. यातून आश्चर्यकारण असे परिणाम दिसून आले आहेत. 24 तासांच्या आत कोरोना रुग्णांमधील लक्षणे नाहीसे झाले असून ते बरे झाले आहेत, असं हॉस्पिटलचे प्रमुख डॉ. नागेश्वर रेड्डी यांनी सांगितलं. डोस दिल्यानंतर रुग्णांची RT-PCR(sic) टेस्ट करण्यात आली होती. डॉ रेड्डी पुढे म्हणाले की, 'अमेरिकेतील संशोधनातून ब्रिटिश, ब्राझिलियन आणि साऊथ आफ्रिकेच्या व्हेरिएन्टवर हे कॉकटेल प्रभावी ठरत असल्याचं दिसून आलंय. आम्ही 40 रुग्णांवर ही चाचणी केली. यात 100 टक्के रुग्ण कोरोनातून बरे झाले आहेत.'
माजी राष्ट्रपती डोनाल्ड ट्रम्प यांना दिला होता कॉकटेल
मोनोक्लोनल अँटिबॉडी थेरपी ( monoclonal antibody therapy ) रुग्णांमधील आजाराची तीव्रता कमी करते. अमेरिकेचे तत्कालीन राष्ट्रपती डोनाल्ड ट्रम्प यांना हा कॉकटेल देण्यात आला होता. त्यानंतर ही उपचार पद्धती प्रकाशात आली. अँटिबॉडीचा सिंगल कॉकटेल डोस रुग्णांना 3 ते 7 दिवसांनतर दिला जातो. मोनोक्लोनल अँटिबॉडी थेरपीमध्ये Casirivimab आणि Indevimab ही दोन औषधे कॉकटेल करुन वापरले जातात. याची किंमत जवळपास 70 हजार रुपये (1000 डॉलर) आहे.
थेरपी प्रभावी ठरल्याने याची मागणी वाढत आहे. असे असले तरी डॉक्टरांनी याच्या जास्तीचा वापर टाळण्यास सांगितलं आहे. विशिष्ट परस्थितीमध्येच याचा वापर केला जावा, कारण जास्तीचा वापर रुग्णांसाठी हानीकारण ठरु शकतो. त्यामुळे काही विशिष्ट लोकांवरच याचा वापर केला जावा, असं डॉ. रेड्डी म्हणालेत. ही थेरपी घेतलेल्या रुग्णांनी तीन महिन्यानंतरच कोरोना प्रतिबंधक लस घेण्याचा सल्ला देण्यात आला आहे. कारण, शरीरात मोठ्या प्रमाणात अँटिबॉडी निर्माण झालेल्या असतात.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
