Artemis II Mission: अर्धशतकानंतरची ऐतिहासिक चांद्रझेप पूर्ण; ‘आर्टिमिस २’ मोहीम यशस्वी, चार अंतराळवीर पृथ्वीवर परतले

वॉशिंग्टन: अमेरिकेची अंतराळ संशोधन संस्था ‘नासा’ने अर्धशतकाहून अधिक कालावधीनंतर ‘आर्टिमिस २’ या मानवी चांद्रमोहिमेचे यशस्वी उड्डाण केले होते. या मोहिमेअंतर्गत ओरायन यानातून चंद्राच्या अंधाऱ्या भागातून प्रदक्षिणा घालून चार अंतराळवीर आज पहाटे ५.३७ (भारतीय प्रमाणवेळेनुसार) वाजता सुरक्षितपणे पृथ्वीवर परतले.