उत्तराखंडमध्ये 'आप'चे सरकार आल्यास स्थानिकांना 80 टक्के आरक्षण

उत्तराखंडमध्ये येणाऱ्या विधानसभा निवडणुकांसाठी आम आदमी पार्टीने कंबर कसायला सुरुवात केली आहे. यासाठी आपचे नेते अरविंद केजरीवाल यांनी घोषणांचा पाऊस पाडला आहे. उत्तराखंडमध्ये आपचे सरकार आल्यास एक लाख स्थानिकांना नव्या नोकऱ्या उपलब्ध करण्याची घोषणा केजरीवाल यांनी केली आहे. त्यांनी आज देहरादूनमध्ये पत्रकार परिषद घेतली. यावेळी सरकार आल्यास एक लाख लोकांना सरकारी नोकरी देण्याचे आश्वासन दिले.

काय म्हणाले केजरीवाल?

देहरादूनमध्ये महत्वाच्या सहा घोषणा करण्यासाठी आल्याचे केजरीवाल म्हणाले. अरविंद केजरीवाल यांच्या मते, जर आप या निवडणुकांमध्ये विजयी झाली तर प्रत्येक घराला रोजगार मिळेल.

6 महिन्यांत एक लाख सरकारी नोकऱ्या निर्माण होतील. तुम्हाला रोजगार मिळेपर्यंत दरमहा पाच हजार रुपये बेरोजगारी भत्ता दिला जाईल. सामान्य माणसांनी दिलेल्या आश्वासनांमध्ये उत्तराखंडातील नोकऱ्यांमध्ये 80% आरक्षण देण्यात येईल, असे केजरीवाल म्हणाले.