Asaduddin Owaisi : सभेत 'मोदी-मोदी'च्या घोषणा; संतप्त ओवेसी म्हणाले; 'मुलं त्यांच्या…'

गुजरातमध्ये असदुद्दीन ओवेसी यांच्या सूरतमधील सभेत मोदी-मोदी अशा घोषणा देण्यात आल्या होत्या. एमआयएमचे अध्यक्ष ओवेसी यांनी या घटनेबद्दल पहिली खोचक प्रतिक्रिया दिली आहे. ओवेसी म्हणाले की, दुसऱ्या दिवशी बालदिन होता आणि मुले वडिलांना हाक मारत होते. आपण बिल्किस बानोसाठी आवाज उठवत असल्यानेच आपला विरोध केला जात असल्याचेही ओवेसी म्हणाले.

आजतक या टीव्ही चॅनलवरील एका कार्यक्रमादरम्यान ओवेसी यांना सूरतमध्ये काळे झेंडे दाखवून मोदी-मोदी घोषणा दिल्याबद्दल प्रश्न विचारण्यात आला होता, दुसरा दिवस बालदिन होता, त्यामुळे मुलं पापा-पापा अशा हाका मारायला लागेल, तर मी काय करू शकतो. आमची अवस्था बघा, मी किती लोकशाहीवादी आहे. मी म्हणालो की काही फरक पडत नाही, कोई पत्थर से ना मारे कोई मेरे दीवाने को. त्या सभेतही मी म्हणालो द्या घोषणा. पण भाजपच्या मेळाव्यात जाऊन कोणी तेच केले असते तर काय झाले असते. फोन येतो शो चालवा मोदीजींच्या सुरक्षेचा भंग झाला म्हणून, असे ओवेसी म्हणाले

हेही वाचा- Gautami Patil Lavani: गौतमीची लावणी कुठे चुकतेय?

झालेल्या विरोधाबद्दल बोलताना ओवेसी म्हणाले, मी बिल्किस बानोचा उल्लेख केल्यामुळे त्यांना वाईट वाटल्याचे नंतर कळले. मी केडियामध्ये मारल्या गेलेल्या मुलांचा उल्लेख केला. मी डिस्टर्ब एरिया ऍक्टचा उल्लेख केला. तिथे लोकांना पिण्याचे पाणी नाही, असे ओवेसी यांनी सांगितले. सुरतमधील एका जाहीर सभेत काही मुस्लिम तरुणांनी ओवेसींना विरोध केला होता. ओवेसी स्टेजवर येताच काळे झेंडे दाखवत घोषणाबाजी करण्यात आली . काही लोकांनी मोदी-मोदीच्या घोषणा देखील दिल्या होत्या.

रॅलीच्या ठिकाणी स्थानिक तरुण मोठ्या संख्येने उपस्थित होते. त्यांनी मोदींच्या समर्थनार्थ आणि ओवैसींच्या विरोधात घोषणाबाजी सुरू केली आणि मंचावर उभे असलेले ओवैसी हे सर्व पाहत राहिले. सूरतच्या रॅलीत मुस्लिम तरुणांनी ओवैसींना काळे झेंडे दाखवले आणि गो बॅकच्या घोषणा दिल्या होत्या.