छिंदवाड्याचे आयुर्वेदाचार्य डॉ.प्रकाश टाटा यांनी छतरपूर जिल्ह्यातील बागेश्वर धामचा कथित धर्मगुरू धीरेंद्र शास्त्रीला खुलं आव्हान दिलं आहे. धीरेंद्र शास्त्री मनातली गोष्ट चिठ्ठीवर लिहिल्याचा जो दावा करतोय, तो सिद्ध झाल्यास एक कोटी रुपये देऊ, असं आव्हान त्यांनी दिलं आहे.
छिंदवाडा येथील सिल्व्हर शाइन हॉटेलमध्ये पत्रकारांसमोर हा मोठा दावा करताना डॉ टाटा यांनी थेट धीरेंद्र शास्त्रीवर आरोप केले आहेत. ते म्हणाले, "पंडित धीरेंद्र शास्त्रीचं खरंच काही कर्तृत्व असेल तर त्याने माझ्याकडून लिहिलेल्या स्लिपमध्ये काय लिहिले आहे ते सांगावे, ते खरे असेल तर मी त्यांना एक कोटी रुपये देईन. हे खुले आव्हान केवळ पंडित धीरेंद्र शास्त्रीलाच नाही तर देशभरात पसरलेल्या सर्व बाबांसाठी आहे, मग तो कोणत्याही धर्माचा असो."
या सर्व गोष्टींना नुसत्या दिखाव्यासाठी असल्याचं सांगत ते पुढे म्हणाले, "असं काहीही होऊ शकत नाही. जगात देव नाही. हे सर्व सेटिंगद्वारे पैसे कमविण्याचे साधन आहे. मला ग्रामीण भागात बसवलं असलं तरी दिखाऊपणाच्या माध्यमातून लाखोंची गर्दी जमवता येते. ते म्हणाले की माझा धर्मावर पूर्ण विश्वास आहे पण लोक जे काही करत आहेत ते फक्त दिखावा आणि पैसे कमवण्याचा एक सोपा मार्ग आहे.
आयुर्वेदाचार्य प्रकाश टाटा आणि प्रसिद्ध चित्रपट मोहरा मधील 'ना कजरे की धार' फेम अभिनेत्री पूनम झावरे यांची सोमवारी हॉटेल सिल्व्हर साइन येथे पत्रकार परिषद आयोजित करण्यात आली होती. ज्यामध्ये टाटा यांनी ही मोठी गोष्ट सांगितली आहे. त्यांच्या आयुर्वेदिक उपचाराने अनेक लोक बरे झाल्याचा दावा डॉ. टाटा यांनी केला आहे, सध्या त्यांनी बागेश्वर धामवर थेट आरोप केला आहे, त्यामुळे हे प्रकरण पुन्हा एकदा चर्चेत आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
