BJP MP Extortion case: तेजस्वी सुर्याकडून भाजपच्या नेत्याला खंडणीचा फोन, पैश्यांबरोबरच मागितले हिरे..

Tejaswi Surya Phone Theft: भारतीय जनता पक्षाचे दक्षिण बंगळूरचे खासदार तेजस्वी सुर्या यांच्या फोनवरुन गुजरातच्या भारतीय जनता युवा मोर्चाच्या एका नेत्याला खंडणीचा फोन आला होता. या फोनवरुन त्याला पैसे आणि हिरे मागितल्याचा आरोप करण्यात आला आहे. याबाबत तेजस्वी सुर्या यांनी पोलिसांत तक्रार दाखल केली. या तक्रारीत ते म्हणाले की त्यांच्या फोनचा वापर खंडणीसाठी करण्यात आला.

तेजस्वी सुर्या यांचे वैयक्तिक सल्लागार बानू प्रकाश व्ही यांनी दक्षिण सीइएन ठाण्यात तेजस्वी सुर्याच्या वतीने तक्रार दाखल केली. या तक्रारीत ते म्हणाले की सुर्या कामात व्यस्त असल्याने फोन माझ्याकडे होता आणि त्या फोनवरील आलेल्या कॉल्सला मी उत्तर देत होतो.

यापुढे ते म्हणाले की, १ जुलै या दिवशी भारतीय जनता युवा मोर्चाचे युनिट अध्यक्ष प्रशांथ कोराट यांना भारतीय जनता पक्षाच्या नेत्याच्या फोनवरुन कॉल करण्यात आला होता. त्यानंतर कोराट यांनी झालेली घटना सांगण्यासाठी सुर्याच्या क्रमांकावर कॉल केला होता, पण तेव्हा त्यांना समजले की सुर्याकडून कोणताही कॉल करण्यात आला नव्हता.

या तक्रारीत प्रकाश यांनी आरोप केलाय की तेजस्वी सुर्याचा फोन कोणीतरी चोरला आणि फोन सोडण्याआधी कोराट यांना खंडणीचा कॉल केला.

याबाबात दक्षिण सीइएन पोलिसांनी माहिती तंत्रज्ञान अ‍ॅक्टच्या कलम ६६(सी), कलम ६६(डी) आणि भारतीय दंड संहितेच्या कलम ४१९ अंतर्गत फसवणूक आणि चोरीचा गुन्हा दाखल करण्यात आला.