कोरोनाच्या लशीने पॅरालिसीस झाला बरा; चार वर्षांपासून होता अंथरुणाला खिळून | Sakal
sakal

बोलून बातमी शोधा

कोरोनाच्या लशीने पॅरालिसीस झाला बरा

कोरोनाच्या लशीने पॅरालिसीस झाला बरा

नवी दिल्ली : कोरोनाच्या महासाथीने (Corona) अनेकांचं अनेक प्रकारे नुकसानच झालंय. अनेकांना आपले जीवलग गमवावे लागलेत तर अनेकांना या आजारातून बरे झाल्यानंतरही काही दिर्घकालीन समस्यांना सामोरं जावं लागतंय. लॉकडाऊन (Corona Lockdown) लागू केल्यानंतर अनेकांचं आर्थिक नुकसान होऊन पैशांचं गणित कोलमडलंय तर काही जणांच्या घरातील कर्ताधर्ता माणूस गमावल्याने घरच मोडकळीस आल्याचं चित्र आहे. असं असलं तरी काहींना अपवादात्मक परिस्थितीत फायदाही झाल्याचं चित्र आहे. कोरोनाची लस (Corona Vaccine) घेतल्यानंतर कोरोनापासून बचाव कितपत झाला, हा संशोधनाचा विषय तुर्तास बाजूला ठेवू. मात्र, कोरोनाची लस घेतल्यानंतर अंथरुणाला खिळलेला एक रुग्ण पूर्णपणे बरा झाल्याचा दावा स्वत: त्या रुग्णानेच केला आहे.

काय आहे हे प्रकरण?

झारखंड (Jharkhand) राज्यातील बोकारोमधील सालगदीह गावातील ही घटना आहे. या गावातील दुलारचंद नावाचा एक व्यक्ती गेली सुमारे चार वर्षे अर्धांगवायूमुळे (paralysis)अंथरुणाला खिळूनच होते. कोरोनाच्या महासाथीमध्ये त्यांना विषाणूची लागण होऊन आणखी तब्येत बिघडू नये म्हणून त्यांनी कोरोनाची कोविशील्ड (Covishield) ही लस घेतली. मात्र, ही कोविशील्ड लस त्यांच्यासाठी अमृत ठरली आहे, असा त्यांनी दावा केला आहे. कारण गेल्या 4 जानेवारीला त्यांनी ही लस घेतल्यानंतर त्यांच्या पायामध्ये हालचाल होत असल्याचा दावा त्यांनी केलाय. यामुळे त्यांना अपरिमित आनंद झाल्याचंही त्यांनी नमूद केलंय.

या दाव्याबाबत बोलताना बोकारो गावातील सिव्हील सर्जन डॉ जितेंद्र कुमार यांनी म्हटलंय की, मी ही केस पाहून थक्क झालोय. मात्र, शास्त्रज्ञांकडून त्यांच्या या दाव्याबाबत अभ्यास करुन खात्री करणे आवश्यक आहे. हा व्यक्ती मोठ्या काळापासून अंथरुणाला खिळून होता जो आता बरा झाला आहे. परंतु लस घेतल्यानंतर 4 वर्षांच्या या स्थितीतून अचानक बरे होणे अविश्वसनीय असल्याचं त्यांनी म्हटलंय.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top