विठोबा देवाची पूजा करण्यासाठी घराबाहेर पडला अन् घडलं आक्रीत! डोक्यात रॉड घालून २३ वर्षीय तरुणाचा खून; बहिणीशी बोलण्यावरून हल्ला

बेळगाव : बहिणीची छेडछाड आणि तिच्याशी संपर्क वाढविल्याच्या संशयावरून गोकाक तालुक्यातील राजापूर या गावातील २३ वर्षीय युवकाच्या डोक्यात काठी आणि लोखंडी रॉडने हल्ला (Belagav Gokak Case) करून निर्घृण खून केल्याची दुर्दैवी घटना सोमवारी (ता. १९) पहाटे घडली. मंजुनाथ सुभाष एन्नी (वय २३, रा. राजापूर, ता. गोकाक) असे त्याचे नाव आहे. दरम्यान, तरुणाच्या खूनप्रकरणी अल्पवयीन युवकावर घटप्रभा पोलिसांत गुन्हा दाखल झाला आहे.