WhatsApp Trading Scam : एका व्हॉट्सअ‍ॅप ग्रुपने आयुष्यभराची कमाई लुटली! शेअर ट्रेडिंगच्या नावाखाली 81 वर्षीय निवृत्त बॅंक व्यवस्थापकाची दीड कोटींची फसवणूक

बेळगाव : डिजिटल अरेस्टच्या नावे टिळकवाडी येथील ८१ वर्षीय वृद्धाला १५ कोटींना फसविल्याची घटना ताजी असतानाच हिंदवाडी येथील एका निवृत्त बॅंक व्यवस्थापकाला (Belagavi Cyber Fraud Case) दीड कोटीला गंडा घातल्याचे धक्कादायक प्रकरण पुढे आले आहे. .ऑनलाईन गुंतवणुकीतून मोठा नफा मिळवून देण्याचे आमिष दाखवून अनोळखी सायबर भामट्यांनी निवृत्त बँक व्यवस्थापकाची एक कोटी ४६ लाख ६४ हजार २० रुपयांची फसवणूक केल्याची घटना उघडकीस आली आहे. यासंदर्भात सायबर पोलिसांत रविवारी (ता. २२) गुन्हा दाखल झाला आहे..Gold Smuggling Case : 'या' अभिनेत्रीचं 100 कोटींचं 'गोल्ड कनेक्शन'; युगांडा ते दुबईपर्यंत पसरलेलं तस्करीचं जाळं उघड, ED च्या आरोपपत्रात धक्कादायक खुलासे.पोलिसांनी दिलेल्या माहितीनुसार, हिंदवाडी येथील कुलकर्णी हे निवृत्त बँक व्यवस्थापक आहेत. ५ डिसेंबर २०२५ रोजी त्यांना ‘बी ८ स्टॉक वेल्थ रिसर्च इन्स्टिट्यूट’ नावाच्या व्हॉट्सअॅप ग्रुपमध्ये अनोळखी व्यक्तींनी समाविष्ट केले. या ग्रुपमधून दररोज शेअर ट्रेडिंगचे प्रशिक्षण आणि आकर्षक परताव्याचे संदेश पाठवले जात होते. ही माहिती खरी असल्याचा विश्वास बसल्याने कुलकर्णी यांनी ग्रुपमध्ये देण्यात आलेल्या ट्रेडिंग अॅपच्या लिंकवर क्लिक करून अॅप डाउनलोड केले..India Toll Hike April 1 : राष्ट्रीय महामार्गांवरील टोलदरात एप्रिलपासून वाढ; राज्यातील नऊ महामार्गांवर दरवाढीचा निर्णय, वाहनचालकांना किती मोजावे पैसे लागणार!.त्यानंतर ग्रुपमधील सूचनांनुसार त्यांनी १५ जानेवारी २०२६ ते २६ फेब्रुवारी २०२६ या कालावधीत विविध टप्प्यांत एकूण एक कोटी ४६ लाख ६४ हजार २० रुपये गुंतवले. मात्र, गुंतवणुकीवर कोणताही परतावा न मिळाल्याने तसेच मूळ रक्कमही परत न मिळाल्याने फसवणूक झाल्याचे त्यांच्या लक्षात आले..संबंधितांनी संपर्क साधण्याचा प्रयत्न केला असता आरोपींकडून प्रतिसाद मिळाला नाही. याप्रकरणी सायबर गुन्ह्याचा गुन्हा नोंद करण्यात आला असून, पोलिस पुढील तपास करत आहेत. टिळकवाडी येथील ज्येष्ठ नागरिकाला १५ कोटींना ऑनलाईन फसविल्याचे प्रकरण तापले आहे. याप्रकरणी पोलिसांकडून कसून चौकशी हाती घेतली आहे. यात आता हिंदवाडी येथील निवृत्त बॅंक व्यवस्थापकांना ठकविण्यात आल्याने खळबळ उडाली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories