Belagavi Kite Festival: बेळगावमध्ये पतंगोत्सव ठरतोय जीवघेणा; मांज्याच्या दोरीने १९ वर्षीय दुचाकीस्वाराचा मृत्यू

बेळगाव : पतंगोत्सवाचा उत्साह बेळगावमध्ये जीवघेणा ठरत असल्याचे तीन दिवसांतील घटनांनी समोर आणले आहे. वडगाव येथील निझामियानगरात पतंग पकडण्याच्या प्रयत्नात नऊ वर्षांच्या मुलाचा दुसऱ्या मजल्यावरील टेरेसवरून पडून मृत्यू झाल्याची घटना अजून ताजी असताना गुरुवारी (ता. १) गांधीनगरजवळ मांज्याच्या दोरीने दुचाकीस्वार तरुणाचा बळी घेतला. दोन दिवसांत पतंगाशी संबंधित दोन वेगवेगळ्या दुर्घटनांत दोन जणांचा मृत्यू झाला.